Puha Hūhū

◼ Kua tonu kia ke tuku e matahigoa he e-mail fakatagata ke he tau tohi ne tufa e tautolu?

He pili aki e matahigoa po ke leipolo ne tohi, kua fakamau he falu tagata fakailoa e matahigoa he e-mail fakatagata ha lautolu ke he tau mekasini po ke tau tuleke ne toka e lautolu mo e falu. Ko lautolu ne talia e tau tohi ka maeke ke matutaki ke he tagata fakailoa ke ole foki falu vala tala. Ko e tau laliaga pihia ke lagomatai a lautolu ne fiafia ko e tau manatu mitaki. Pete ia, ko e faahi Web pauaki ha tautolu kua fitā he fakakite i tua he tau mekasini mo e tau tuleke. Ti ko e mena ia, kua mitaki lahi kaeke ke nakai fakamau e matahigoa he e-mail fakatagata ke he tau tohi.

He foaki he tagata fakailoa e vala tala ke matutaki e tau tagata he fonua ki ai he laupepa kehe, mua atu ka taute e tau liu aahi atu, ko e fifiliaga fakatagata. Kia eketaha a tautolu ke liliu atu ki a lautolu kua fiafia ka e nakai toka a lautolu ke matutaki mai ki a tautolu ma e falu vala tala. Ko e fiafia fakatagata mooli ka kitia lahi he tutala gutu mo e tagata.