Tohi he La

Tau Tagata Fakailoa he Kautu Fakahele:

Ne fakailoa ki a mautolu e patipati fiafia ke he fakailoaaga ne talahau he tapuakiaga pogipogi he la he tau Faahi Kaufakalataha he Aho Gofua, Fepuari 4, 2008. Totou ai: “He matahiku faahi tapu kua mole, ne hohoko mai e tau leveki fakapotopotoaga he tau fakapotopotoaga kehekehe he tau Faahi Kaufakalataha. Ko lautolu mogonei i Patterson kua haia ke he vahega fakamua he Aoga ma e Tau Motua he Fakapotopotoaga.”

Kua olioli he tau tagata fakaako e feoakiaga atihake mo e magafaoa Peteli. Ne hohoko atu foki a lautolu ke he tapuakiaga pogipogi he tau aho takitaha, ti pihia foki ke he Fakaakoaga he Watchtower he magafaoa Peteli he afiafi Gofua. Ko e fakakatoatoaaga he aoga ne fakahoko he aho fakahiku ko e tau lauga pauaki ne taute he matakainaga he La Komiti he tau Faahi Kaufakalataha mo e matakainaga he Kau Fakatufono.

Loga e talahauaga loto fakaaue ne moua mai he tau motua ne hohoko atu. Ne talahau he taha matakainaga: “He nofo he Peteli ke he taha e faahi tapu kua atihake lahi!” Ne tohi foki he taha: “Kua fakamalolō au mogonei ke fakamooli e tau matagahua haaku mo e puhala makutu foou.” Ko e fakaholoaga mogonei he aoga kua lauia katoa e tau vala kehekehe he tau matagahua he tau leveki fakapotopotoaga mo e to fakamalolō ki a lautolu ke leveki fakamitaki e tau manako he fakapotopotoaga. (Gahua 20:28) Manako a mautolu ke fakahoko atu e vala tala hagaao ke he foakiaga nei ko e taha fakaakoaga foki ne taute ma e tau motua he tau Faahi Kaufakalataha mai he Faiaoga Homo Ue Atu ha tautolu.​—Isaia 30:20.

Ha mutolu a tau matakainaga,

La Ofisa i Niu Silani