Hūhū e Tau Fuata—Ko e Heigoa Haaku ka Taute he Moui Haaku? (Vala 2)
He kamataaga he vitiō ko e Young People Ask—What Will I Do With My Life? peehi e Interviews, (Tau Hūhū Tala), ti peehi e Sections (Tau Vala). Ka oti e kitekite e tau vala tolu takitaha, fakaaoga e tau hūhū he paratafa 2 ke liu fakatutala. Ti mai he kamataaga peehi e Supplementary Material (Falu Vala Foki) ti ka oti e kitekite ke he lima foki e hūhū tala takitaha, fakaaoga e tau hūhū he paratafa 3 ke liu fakatutala.
Tau Vala—Tukuleleaga ke he Tau Tutuliaga Fakateaga po ke ke he Atua: (1) Ko e heigoa e tau foliaga kua peehi e tau fuata ke tutuli? (2) Maeke fēfē he 1 Ioane 2:17 ke lagomatai e tau fuata ke fifili e lahi he fakaakoaga fakalalolagi ka tutuli e lautolu? (3) Ko e ha kua nakai lata ia tautolu ke fakaatā e matakutaku ke taofi a tautolu mai he papatiso? (4) Ko e heigoa falu mena ka lagomatai a tautolu ke hokotia ke he papatisoaga? Fakaako ke Fiafia ke he Fekafekauaga Haau: (5) Ko e ha e falu kua nakai fiafia ke he fekafekauaga? (6) Ko e heigoa falu mena ka lagomatai a tautolu? (7) Ko e heigoa falu matakutaku kua mua atu ke he tutala noa ni ke he tagata kehe, ti ko e ha? (8) Maeke fēfē a tautolu ke kautū mai he ha tautolu a tau matakutaku mo e feaki e loto malolō ke vagahau? (9) Ko e ha kua aoga foki ke feaki e falu puhala ke he fekafekauaga? Ko e Gutuhala Hafagi ke he Fekafekauaga: (10) Maeke fēfē e paionia ke foaki e tau magaaho loga ke fakaholo ki mua e tuaga fakaagaaga? (Filipi 3:16) (11) Ko e ha e falu ne tehatehaua ke hū atu ke he gutuhala nei he fekafekauaga? (12) Ko e heigoa e tau matapatu fakaakoaga Tohi Tapu ka lagomatai a tautolu ke kautū mai he tau tupetupe fakatupe? (13) Ko e heigoa he falu ne taute ke lalago fakatupe a lautolu ka e paionia? (14) Ko e heigoa ka taute ka nakai fakaatā he tau tuaga e tagata ke hū ke he fekafekauaga mau?
Tau vala lafi ki luga—Ko e Uho he Fakaako Fakatagata: (15) Ko e ha kua aoga e fakaholoaga mitaki he fakaakoaga fakatagata? Fakamatala Lafi ki Luga (fakahigoa mogonei ko e fakamatala ke he toloaga): (16) Lafi fēfē e fakalataha ke he tau puhala kehekehe he fekafekauaga ke he ha tautolu a fiafia? Fekafekauga he Peteli: (17) Ko e heigoa e falu he tau fiafia he fekafekau he Peteli? Aoga Fakaako Fekafekau: (18) Lagomatai fēfē ki a lautolu ne ō he aoga nei (fakahigoa mogonei ko e Aoga Tohi Tapu ma e Tau Matakainaga Taane Nofo Tokotaha)? Fakaakoaga Misionare i Kiliata: (19) Tauteute fēfē a Peter mo Fiona ma e feua misionare, ti aoga fēfē a laua mai i Kiliata?