Ko e Heigoa ka Taute e Koe he Moui Haau?
1 Kua hūhū ke he fanau he falu magaaho, “Ko e heigoa haau ne manako ke taute ka lahi?” He tama taane tote a koe, talahau nakai e koe kua manako a koe ke eke mo kaupoe (cowboy)? tagata tamate afi? leveki takaiaga? Po ke he tama fifine tote, liga talahau nakai e koe kua manako a koe ke eke mo tagata koli? nosi? misionare? Mogonei kua lahi hake a koe, ti lata a koe ke liu hūhū foki, ‘Ko e heigoa haaku ka taute he moui haaku?’ Kua mautali nakai a koe ke fifili?
2 Ke lagomatai a koe ke taute e fifiliaga mitaki lahi, kua taute he fakatokatokaaga ha Iehova e DVD Young People Ask—What Will I Do With My Life? Fakamolemole kitekite ki ai, mo e manamanatu fakahokulo ke he tau vala i loto, putoia e taute tala, tau hūhū tala, mo e tau vala tala lafi ki luga. Kua haia e tau mataulu tala he puha “Main Menu.”
3 Ko e Taute Tala: He kitekite a koe ke he taute tala, kia mailoga e tau hūhū nei: (1) Ko e heigoa ne tatai a Timoteo, ne totoku i loto he tau Tohiaga Tapu Heleni Kerisiano, mo Andre? (Gahua 16:1; 1 Timo. 4:8; 2 Timo. 1:5) (2) Kua peehi fēfē ki a Andre ke tutuli e tuaga tokoluga he tau sipote, ti ko hai ne peehi a ia? (3) Ko hai ne eke mo fakaohoohoaga mitaki ki a Timoteo mo Andre, mo e ke he tau puhala fe? (2 Timo. 1:1-4; 3:14, 15) (4) Lauia fēfē a Andre he tomatomaaga ia Mataio 6:24 mo e Filipi 3:8, ti lauia fēfē foki a koe?
4 Tau Vala Fifili: He oti e kitekite e taute tala katoa, liu fakakite e tau vala ne mui mai, mo e tali e tau hūhū nei. “Paul and Timothy”: Ko e heigoa e tomatomaaga fakahiku ha Paulo ki a Timoteo? (2 Timo. 4:5) “Giving Jehovah Your Best”: Ko e heigoa e vahega foliaga haau? “Taking a Stand for Jehovah”: Moua mai i fe e fiafia mooli? “Grandmother’s Advice”: Ko e heigoa ne hepe he manako ke talahaua he lalolagi ha Satani? (Mata. 4:9) “No Regrets”: Ko e heigoa e kumikumiaga ka lagomatai a koe ke moua e makona he moui?—Fakatai 10:22.
5 Tau Hūhū Tala: He kitekite e koe e tau vala takitaha ne mumui mai, ko e heigoa haau ne kitia ne kua maeke ia koe ke foaki katoatoa ki a Iehova? (1) “Dedication to Vain Pursuits or to God?” (“Tukuleleaga ke he Tau Tutuliaga Fakateaga po ke ke he Atua?”) (1 Ioa. 2:17); (2) “Learning to Enjoy Your Ministry” (“Fakaako ke Fiafia ke he Fekafekauaga Haau”) (Sala. 27:14); mo e (3) “An Open Door to Service” (“Ko e Gutuhala Hafagi ke he Fekafekauaga”)—Mata. 6:33.
6 Liu Ono ki Tua: Maeke nakai a koe ke tali? (1) Ko e heigoa e tau feua pauaki ne tutuli he tau matakainaga, ti ko e ha? (2) Kua kautū fēfē a lautolu? (3) Ko e heigoa e hikiaga he tau momoui ha lautolu takitokotaha? (2 Kori. 5:15) (4) Ko e heigoa e tau feua fakateokarasi ne hukui aki e feua fakamua ha lautolu, ti ko e ha ne manatu a lautolu kua nakai maeke ia lautolu ke tutuli ua e feua ia? (5) Kua tokihala nakai a lautolu he hiki e onoonoaga ha lautolu ke he moui? (6) Ko e heigoa ha lautolu ne talahau ne taute a koe ke manamanatu fakalahi hagaao ke he tau mena kua lata ia koe ke taute he moui haau?
7 Tau Hūhū Tala Lafi ki Luga: He tau hūhū tala nei, ko e heigoa ne ako e koe ka taute a koe ke gahua katoatoa ke he fekafekauaga ha Iehova? (1) “The Value of Personal Study,” (“Ko e Uho he Fakaako Fakatagata,”) (2) “Alternative Witnessing,” (“Fakamatala Lafi ki Luga,”) (3) “Bethel Service,” (“Fekafekauaga he Peteli,”) (4) “Gilead Missionary Training,” (“Fakaakoaga Misionare i Kiliata,”) mo e (5) “Ministerial Training School.” (“Aoga Fakaako Fekafekau.”) Liu tutala ke he “Index to Published Information on Related Subjects,” ti totou fakalaulahi hagaao ke he tau mena ne fiafia lahi a koe ki ai.
8 Ti kua fifili nakai e koe e tau mena ka taute e koe he moui haau? Ne fakamafana e Paulo a Timoteo: “Kia manamanatu a koe ke he tau mena na, kia fakamahani a koe ki ai; kia kitia ai he tau tagata oti hāu a mafiti.” (1 Timo. 4:15) Kua fakamafana atu a mautolu ki a koe ke taute pihia tuga e tau mena ne kitia mo e logona e koe he DVD nei. Ole ki a Iehova ke lagomatai a koe ke taute e fifiliaga pulotu ka tamai ki a koe e fiafia mo e makona he moui he mogonei ti pihia foki e moui palepale mo e fiafia he vahā anoiha.
[Puha he lau 6]
MAIN MENU
Play Drama
Scenes (11 e vala)
Interviews
Play All
Sections (3 e vala)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Ke kumi viko he tau menu, fakaaoga e tau button Next ▶, ◀ Back, mo e Main Menu.