Hūhū e Tau Fuata—Ko e Heigoa Haaku ka Taute he Moui Haaku? (Vala 1)
He lalahi hake e tau fuata, kua lata ia lautolu ke taute e tau fifiliaga aoga. Ke lagomatai a lautolu, kua tauteute tuai e vitiō Young People Ask—What Will I Do With My Life? He kamataaga, peehi e Play Drama, (Taute Tala), ti kitia ko e maeke nakai a koe ke tali e tau hūhū he paratafa 2. Mole ia, peehi e Interviews (Tau Hūhū Tala) he kamataaga, ti peehi e Looking Back, (Liu Ono ki Tua), ti lali ke tali e tau hūhū he paratafa 3.
Taute Tala: (1) He tau puhala fe he tuaga ha Timoteo ne tatai ke he tokologa he tau Kerisiano fuata he vahā nei? (2) Kua peehi fēfē ki a Andre ke tutuli e tuaga tokoluga he tau sipote? (3) Ko e heigoa ne tala age he Matakainaga ko Fleissig ki a Andre hagaao (a) ke he tukulele ki a Iehova ti pihia ke he sipote? (Mata. 6:24) (e) ke he punaaga he fiafia mooli? (i) ke he polu haana he kemuaga pagotā ne fakamanatu ki a ia? (o) ke he tau tagata he fakatino mo ia mo e hoana haana? (u) kua tokihala nakai a ia he tiaki e tau foliaga haana? (Filipi 3:8) (4) Tali fēfē he matua tupuna fifine ha Andre e hūhū haana, “Hepe kia ma haaku ke manako ke eke mo tagata talahaua he poi?” (Luka 4:5-7) (5) Ko e mua kia he poitufi kua tamai ki a Andre e fiafia mooli? (6) Ko e heigoa haau ne loto fakaaue hagaao ke he tohi fakahiku he Matakainaga ko Fleissig ki a Andre? (Fakatai 10:22) (7) Ko e heigoa ne lagomatai he Matakainaga ko Fleissig ke mailoga e Andre?
Liu Ono ki Tua: (8) Ko e heigoa e tau feua ne foli he tau matakainaga, ti ko e ha? (9) Kua kautū fēfē a lautolu? (10) Ko e heigoa e hikiaga ke he tau momoui ha lautolu takitokotaha? (2 Kori. 5:15) (11) Ko e heigoa e tau feua fakateokarasi ne hukui aki e tau feua fakamua ha lautolu, ti ko e ha ne manatu a lautolu kua nakai maeke ia lautolu ke tutuli ua e feua? (12) Tokihala nakai a lautolu he hiki e onoonoaga ha lautolu he moui? (13) Ko e heigoa ha lautolu ne talahau ne taute a koe ke manamanatu fakalahi hagaao ke he mena kua lata ia koe ke taute he moui haau?
Fakamolemole kitekite e falu hūhū tala mo e falu vala tala foki, ti mautauteute ke fai tali ki ai he fakatutala ke he Aoga Fekafekau he tapu kahau.