Fakakite Taha e Vala Tala, ka e Toka Ua e Mekasini
Igatia e tau fufuta mekasini ha tautolu mo e tau vala tala fulufuluola kehekehe. He nakai lali ke fakakite ke loga e vala tala he tau gutuhala takitaha, kua fa mitaki ke fakatutala ke he taha e vala tala. Ka matakite a tautolu mo e iloa mitaki e tau vala tala i loto he tau mekasini, maeke ia tautolu ke fifili mai e vala tala he Ko e Kolo Toko po ke Awake! ka liga fiafia e tagata he kaina ki ai. Ma e fakatai, ka kitia e tautolu e tau koloa fefeua he tau fanau he kaina, liga fifili a tautolu ke fakamaama e vala tala ke he moui magafaoa. Kaeke ko e tagata taane ne hau ke he gutuhala, maeke ia tautolu ke fifili ke fakakite e vala tala ne tokologa e tagata taane ne fiafia ki ai, tuga e fakatufono mitaki. Pete kua taha ni e vala tala ha tautolu ne fakatutala ki ai, kua lata ia tautolu ke toka ua e mekasini mo e tagata he kaina ka fiafia a ia ki ai.