Eketaha ke Kamata e Tau Fakaako Tohi Tapu he Aho Faiumu Fakamua
Kamata ia Me 2011, ne fakamafana ke he tau tagata fakailoa ke lali ke kamata e tau fakaako Tohi Tapu he Aho Faiumu fakamua he tau mahina takitaha. Ke lagomatai a tautolu ke taute pihia, kua tauteute ai e vala i loto he Ko e Kolo Toko ma e fufuta he fonua ne fakamataulu “Tau Hūhū Tohi Tapu kua Tali.” Ko e feleveiaaga mogoia ma e gahua he fonua he Aho Faiumu fakamua, kua lata ke fakamaama e puhala ka fakaaoga e vala nei ke kamata e tau fakaako Tohi Tapu ti taute e fakatātāaga he fakafeleveiaaga.
Maeke e tau motua ke fifili ke igatia ni e matakau gahua he fonua mo e feleveia kehekehe he Aho Faiumu fakamua, po ke fifili a lautolu ke lafi e tau matakau ti liga feleveia he Fale he Kautu. Pete ia, ka loga e fakapotopotoaga kua fakaaoga e Fale he Kautu, kua nakai lata ha fakapotopotoaga ke hiki e aho pauaki nei ke kamata e tau fakaako Tohi Tapu ke he taha aho kehe ke maeke ke feleveia auloa e tau matakau ma e gahua he fonua.