“To Uta e Au e Tohi Haau ka Uta e Koe Haaku”

Pihia e talahauaga he falu tagata he tau kaina. Ha kua nakai fehikitaki po ke tautui e tautolu e tau tohi lagomatai fakaako Tohi Tapu ha tautolu mo e tau tohi fakalotu ne fakaholofa e tau taofiaga hepe, to tali fakailoilo fēfē a tautolu? (Roma 1:25) Maeke a tautolu ke pehē: “Fakaaue ke he tohi haau. Ko e heigoa e talahauaga he tohi nei ke he tau lekua he tagata? [Fakaatā ma e tali. Ka uiina e ia a koe ke totou e tohi haana ke moua e tali, maeke ia koe ke fakamanatu age ki a ia kua nakai foaki e koe e tohi ka e nakai tala age ki a ia ko e heigoa i loto. Ti totou po ke fatiaki e Mataio 6:9, 10.] Fakakite mai e Iesu ko e Kautu he Atua ka tamai e finagalo he Atua ke he lalolagi. Ko e mena ia, kua totou ni au ke he tau tohi fakalotu ne fakamaama hagaao ke he Kautu he Atua. Fakamolemole maeke nakai au ke fakakite atu ki a koe mai he Tohi Tapu e falu mena ka fakakatoatoa he Kautu he Atua?”