Ko e Heigoa e Tuaga?

Ko e hūhū mitaki a ia ke hūhū hagaao ke he tau tohi kua amanaki a tautolu ke foaki. Ko e ha tohi kua mapelupelu, maaki, kiva, po ke mahēhē, to fakaata kelea ke he fakatokatokaaga ha tautolu ti to fakatauhele e tagata he kaina mai he fekau fakamoui fulufuluola ne toka i loto he tau tohi ha tautolu.

Maeke fēfē ia tautolu ke fakatumau e maopoopo he tau tohi ha tautolu? Tokologa ne mailoga kua lagomatai lahi ke fafao fakalataha e tau tohi kua tatai he kato fakamatala ha lautolu. Ma e fakatai, tuku fakalataha e tau tohi, tuku fakalataha e tau mekasini mo e tau porosua, fakalataha e tau tuleke, mo e falu foki. Ka liuaki e lautolu e Tohi Tapu ha lautolu mo e ha tohi ke he kato fakamatala, ne tuku fakamitaki ai e lautolu neke malona. Falu tagata fakailoa ne tuku e tau tohi he tau mena fafao tohi po ke tau kato palasetiki. Pete ne puhala kua fakaaoga e tautolu, kua nakai manako a tautolu ke foaki ke he ha tagata e kakano ke kumi kelea ke he ha tautolu a gahua he fonua he age ki a ia e tau tohi malona.​—2 Kori. 6:3.