Fakatolomaki ki Mua e Lotomatala Haau he Fekafekauaga​—Kia Eke mo Hoa Lagomatai Mitaki

Kakano kua Aoga Ai: Mailoga e Iesu kua uho lahi e hoa he fakamatala. Ti he magaaho ne fakafano e Iesu e tau tutaki haana ne toko 70 ke ō ki mua ia ia ke fakamatala, ne fakafano e ia a lautolu ke fakamatala takitokoua. (Luka 10:1) Maeke e hoa ke lagomatai e matakainaga haana ka feleveia mo e tuaga uka po ke nakai iloa e puhala ke tali e hūhū he tagata he kaina. (Fakama. 4:9, 10) Maeke a ia ke talahau e mena ne tupu ki a ia mo e foaki e manatu ke lagomatai e matakainaga kua gahua mo ia ke fakatolomaki ki mua ti eke mo tagata fakamatala lauia mitaki. (Fakatai 27:17) Maeke foki a ia ke fakamalolō atu ka tumau ke tutala ke he tau mena atihake ka fakatauō a laua he fale ke he fale.​—Filipi 4:8.