Aokuso ko e Mahina Talahaua he Gahua!

1. Ko e heigoa e matagahua pauaki ka taute ke he lalolagi katoa he tata atu a tautolu ke katoa e 100 tau he Kautu?

¹ Kua tata tuai ke katoa e 100 tau he fanau maiaga he Kautu he Atua. Ko e mitaki hā ia ke fakalilifu e tautolu a Iehova aki e taha matagahua pauaki! Ia Aokuso to taute e tautolu e matagahua ke he lalolagi katoa ke tufatufa e tuleke foou ne mataulu Moua e Tautolu i Fe e Tau Tali ke he Tau Hūhū Aoga Lahi he Moui? Ko e tuleke nei kua fakamafana e tau tagata totou ke kumikumi ke he Tohi Tapu ma e tau tali ti fakamaama e puhala kua maeke he jw.org ke lagomatai a lautolu.

2. Maeke fēfē ia tautolu ke lalafi atu ke he ‘kalaga lahi he fakaheke atu kia Iehova’ ka hoko hake he mahina a Aokuso?

² Fakaheke mo e Kalaga Fakaleolahi: Ke lagomatai e tau tagata fakailoa ke fakalaulahi ha lautolu a fekafekauaga, kua fai fakatokaaga pauaki ma e ha matakainaga kua manako ke paionia fakakū ia Aokuso. Ke he mahina ia kua fakaatā e tau tagata fakailoa kua papatiso ke paionia fakakū ke he 30 e tau tulā. Ha kua lima e Aho Faraile, Aho Faiumu mo e Aho Tapu ia Aokuso, tokologa e tagata fakailoa ne gahua tupe po ke ō he aoga he vahā tapu ka maeke ke paionia. Kaeke kua fai tagata fakaako Tohi Tapu holo ki mua a koe po ke tama kua manako ke eke mo tagata fakailoa, tutala he mogoia ni ke he leveki he kau he tau motua. Ko e mafanatia hā ia ka maeke a lautolu ia ke fakalataha mo tautolu ko e tau tagata fakailoa he mahina uho nei! Pete kua tokologa e tau paionia mau ka fakamaoki mai he gahua paionia he mahina a Aokuso ha kua katoatoa ha lautolu a tau tulā fafati, liga maeke agaia a lautolu ke hikihiki e tau setulu ke gahua auloa he matagahua pauaki nei. Ko e magaaho anei ma e tau magafaoa ke fakatutala ke he puhala kua maeke ia lautolu ke lalafi ke he ‘kalaga lahi he fakaheke atu kia Iehova’ ka hoko he mahina a Aokuso.​—Esera 3:11; Fakatai 15:22.

3. Ko e heigoa e amaamanakiaga ke he matagahua pauaki nei?

³ Pete kua fitā a tautolu he taute e tau matagahua pehēnei he tau magaaho kua mole, ko e amaamanakiaga ha mautolu ke talahaua lahi e tufatufaaga nei. Maeke nakai ia tautolu ke hokotia ke he tapunu foou he tau tulā, tau tagata fakailoa, mo e tau paionia fakakū ia Aokuso? He oti ha tautolu a tau he fekafekauaga he 2014, kia fakamonuina e Iehova e tau laliaga he tau tagata haana he lalolagi katoa ke taute e mahina ha Aokuso mo mahina kua mua atu e lahi he fakamatala tali mai!​—Mata. 24:14.