Puhala Fakalagalaga mo e Foou ke Fakamatala ke he Tau Tagata

1. Ko e heigoa he tau fakapotopotoaga ne haia he tau hala ō hui kua fakamalolō ke taute?

¹ Ko e tau fakapotopotoaga ne ha ha he tau matakavi ne loga e hala ō hui ne fakamalolō ke fakatokatoka e gahua fakamatala ke he toloaga tagata he fakaaoga e tau laulau po ke tau peleō fakatātā. Ka fakaaoga e peleō fakatātā, mitaki ke taha e tagata fakailoa ke tū po ke nofo tata ke he fakatātāaga. Ka e tokoua e tagata fakailoa kua lata ke haia he laulau fakatātā. Ko lautolu kua kotofa ke he tau fakatātāaga kua lata ke mafanatia, kapitiga, mo e fiafia. Ka ono atu e tagata ke he fakatātāaga, taha he tau tagata fakailoa ka kamata e fakatutala, liga he talahau, “Kua manamanatu nakai a koe ke he mena ne talahau he Tohi Tapu ke he matakupu ia?” Taha po ke tokoua e tagata fakailoa ka tutū tata ke he fakatātāaga ka e taute e fakamatala nakai mautali.

2. Talahau e mena ne tupu kua fakakite e uho he fakamatala ke he tau tagata he fakaaoga e fakatātāaga tohi.

² Kua loga e fakaako Tohi Tapu foou ne moua mai he puhala nei. Taha e tama aoga ne fifili ke tohi e kumikumiaga ke he Tau Fakamoli a Iehova, ka e nakai maeke a ia ke moua e Fale he Kautu. Ko e tapu hake ne kitia e ia e laulau ne fakatātā he aoga. Ne kamata e fakaako Tohi Tapu, ti ko e tama aoga ia mogonei ko e tagata fakailoa ne papatiso ti kua fai vala foki he puhala fakamatala nei.

3. Fēfē e logonaaga he falu hagaao ke he puhala nei he fakamatala ke he tau tagata?

³ Taha e matakainaga fifine ne fiafia ke he puhala fakamatala nei ke he tau tagata ne pehē: “Falu ne tūtū he fakatātāaga ke uta e tau mekasini foou. Falu ne nakaila logona hagaao ke he Tau Fakamoli a Iehova. Kitia ai e au ke he puhala nei, kua tokologa ka hokotia ki ai.” Taha matakainaga fifine foki ne talahau, “Ko e puhala fakalagalaga mo e foou anei he fakamatala ha ko e tau tagata kua o mai ki a koe, ti fia iloa foki a lautolu.”

4. Ko e ha kua uho ke fakatū e fakatātāaga tohi he tau magaaho tatai mo e matakavi he tau faahi tapu takitaha?

⁴ Kua aoga lahi ke fakatū e fakatātāaga he taha e matakavi, he tatai e aho, mo e tatai e magaaho he tau faahi tapu takitaha. Ti ko e fua, mahani e tau tagata mo e tau fakatātāaga ti fakahiku ai kua mukamuka a lautolu ke o mai mo e hūhū po ke moua e tau tohi. Kua fakatoka nakai he fakapotopotoaga ha mutolu e fakamatala ke he tau tagata? Ka pihia, liga maeke a koe ke fai vala he puhala fiafia mo e fua mitaki nei ke “fakakite atu e kautu he Atua.”​—Luka 9:60.