“Nakaila Liu Au Moua a Ia i Kaina!”

Kua talahau pihia nakai a koe hagaao ke he tagata ne fakakite e fiafia? Pete he lali tumau a koe ke ahiahi atu ke he tagata, ne nakai maeke a koe ke fakamalū e tega he kupu mooli ne tō e koe. (1 Kori. 3:6) He falu mogo, ne tohitohi he tau tagata fakailoa lotomatala e tohi ke he tagata ne nakai maeke a lautolu ke moua he kaina, po ke toka e lautolu e lautohi he gutuhala he tagata. Manamanatu e falu tagata fakailoa ke he paleko he liu moua e tagata he kaina ti ole e numera telefoni haana, liga he hūhū, “Maeke nakai a koe ke tohi mai he selafoni?” Liga fakamau e liu aahi atu ka ahiahi e tautolu e tagata po ke fakamatala ki a ia puhala he tohi, meli hila, tohitohi selafoni, lautohi ne toka he gutuhala haana, po ke hea telefoni. Pete he nakai haia tumau a ia i kaina, maeke ia tautolu ke fakalaulahi e fiafia haana.