Uiina Fakahako
1. Magaaho fe ka kamata e matagahua uiina ma e fonoaga?
1 Ka pulega e koe e kaiaga pauaki ma e magafaoa po ke tau kapitiga, ne kua lata ai mo e laliaga lahi mahaki ti tauuka ke tauteute, liga to hakahakau lahi a koe ke uiina. Pihia foki, lahi mahaki e gahua ke tauteute e galue fakaagaaga ka fakatoka mai ma e fonoaga i mua. Kamata he tolu e faahi tapu ato hoko e fonoaga ha tautolu, fakaatā e Iehova e lilifu ki a tautolu ke uiina e falu ke o mai. Ko e heigoa ka lagomatai a tautolu ke hakahakau he uiina?
2. Ko e heigoa ka fakalagalaga a tautolu ke fai vala katoatoa he matagahua?
2 To fakalagalaga a tautolu ke fakalataha katoatoa ke he matagahua ka manamanatu loto fakaaue a tautolu ke he aoga fakatagata ki a tautolu mai he fakatonuaga mafanatia kua foaki e Iehova he tau fonoaga ha tautolu. (Isaia 65:13, 14) Lata foki ia tautolu ke manatu, kua fua mitaki ha tautolu a matagahua he tau tau takitaha. (Kikite puha “Fai Fua Mai Ai.”) Falu tagata ne uiina e tautolu to o mai ke he fonoaga mo tautolu, ka e falu to nakai o mai. Pete ni ko e tokofiha ne o mai, ko e tau laliaga fakamakai ha tautolu he matagahua to fakaheke ki a Iehova mo e fakaata e aga fakamokoi haana.—Sala. 145:3, 7; Fakakite. 22:17.
3. To tufatufa fēfē e tau uiina?
3 Igatia e kau he tau motua mo e lata ke fifili e puhala ka tufatufa ai e tau uiina, putoia ko e toka nakai e tau uiina he tau kaina ne nakai fai tagata i ai po ke foaki he fakamatala ke he toloaga tagata he fonua he matakavi ha lautolu. He tau matahiku vahatapu kua lata e tau mekasini ke foaki fakalataha mo e uiina ka latatonu. Ka oti e matagahua, to fiafia lahi a tautolu ha kua makai he fai vala i ai ti tokologa e tagata kua fakalataha mai ke he galue fakaagaaga ne foaki e Iehova!