Tauteuteaga ne Lata ke Fakaako Fakalotomatala

Ne hūhū ai lagaua ki a Iesu e hūhū taha ia hagaao ke he moui tukulagi, ka e he tau magaaho takitaha ne hikihiki e ia e tali haana ke lata mo e tau manako he tagata hūhū. (Luka 10:25-28; 18:18-20) Ko e mena ia, pete ne liga iloa mitaki e tautolu e vala tala fakaako he Tohi Tapu, kua lata a tautolu ke tauteute tuai ai mo e tokaloto e tagata fakaako. Ko e heigoa e tau manatu kua liga uka a ia ke maama po ke talia? Ha e fē e tau kupu tohi ka totou e tautolu mo ia? Lahi fēfē e vala tala ka amanaki a tautolu ke fakaako? Liga lata ia tautolu ke tauteute e fakataiaga, fakamaamaaga, po ke tau fufuta he tau hūhū ke lagomatai e tagata fakaako ke maama e vala tala. Lafi ki ai, ha ko Iehova ne fakatupu e tega he kupu mooli ke tupu he loto, kua lata ia tautolu ke ole ke he fakamonuinaaga ha Iehova ke he tauteuteaga ha tautolu ma e fakaakoaga, pihia mo e tagata fakaako ha tautolu, mo e ha tautolu a tau laliaga ke lagomatai fakaagaaga a ia.​—1 Kori. 3:6; Iako. 1:5.