Puhala ke Fakaaoga e What Can the Bible Teach Us?

Ko e tohi Teach Us mo e tohi Fakaako he Tohi Tapu kua teitei tatai. Ko e tau tohi nei mai he puha fakaako ha tautolu kua foaki e tau kupu mooli kua tatai mo e puhala ne fakapapahi ai. Ka e fakaaoga he tohi Teach Us e tau kupu mo e fakakakanoaga mukamuka. Ne talaga ai ma lautolu ne liga uka ke maama e tohi Fakaako he Tohi Tapu. Nakai fai apenetiki he tohi Teach Us ka ko e tau tala he matahiku ne foaki e tau fakamaamaaga kū ke he falu talahauaga mo e tau manatu ne moua he vala tala. Nakai fai hūhū hafagi po ke puha fakamanatu e tau veveheaga. Ka kua fakahiku aki e fakamaamaaga he tau kupu mooli he Tohi Tapu ne fakamaama he vala tala. Ke tuga e tohi Fakaako he Tohi Tapu ko e tohi Teach Us kua maeke ke foaki he ha magaaho pete ni nakai ko e tohi foaki he mahina. Maeke fēfē a tautolu ke fakaaoga e tau vala pauaki he tohi Teach Us ka taute e fakaako Tohi Tapu?

FAKAMAAMAAGA: Ma e laulahi he tau tagata, ko e puhala fa mahani ke taute e fakaakoaga he totou e paratafa he tohi Fakaako he Tohi Tapu ti hūhū mogoia e hūhū nukua holo mitaki. Ka e kua ka nakai maama lahi he tagata fakaako e vagahau po ke nakai iloa mitaki ke totou? He tuaga ia, liga fifili a koe ke fakaaoga e tohi Teach Us. Ti ko e tau fakamaamaaga he veveheaga ka fakaaoga mo fakavē ki ai e fakaakoaga to liga atihake e tagata fakaako ke totou ne ia e vala tala. Igatia e kupu mooli he Tohi Tapu mo e 15 e minuti ka fakaako. Ha kua nakai putoia e tau vala tala matafeiga he tau fakamaamaaga he vala tala, kua lata e faiaoga ke tauteute fakamitaki mo e tokaloto e tau manako he tagata fakaako. Ka taute he faiaoga e fakaakoaga mai he vala tala, to maeke e tau fakamaamaaga ke eke mo liu fakamanatu.

TAU TALA HE MATAHIKU: Ko e tau kupu mo e tau manatu he tau tala he matahiku kua tuku fakapapahi ne haia he tau vala tala. Ko e faiaoga ka fifili ko e fakatutala nakai ke he tau tala he matahiku he tohi Teach Us he mogo ka taute e fakaakoaga.