Fakatolomaki ki Mua e Lotomatala ha Tautolu he Fekafekauaga​—Matutaki ke he Tau Tagata Oti he Fonua ha Tautolu

KAKANO KUA AOGA AI: Kua perofeta e Sakaria ko e tau tagata mai he tau vagahau he motu oti to talia fiafia e tala mitaki. (Sak 8:23) Ka ko hai ka fakaako a lautolu? (Rom 10:13-15) Ha ha ia tautolu e lilifu mo e matagahua ke fakailoa e tala mitaki ke he tau tagata oti he fonua ha tautolu.​—od-E lau 84 para. 10-11.

PUHALA KE TAUTE AI:

• Tauteute. Feleveia nakai a koe mo e tau tagata ne vagahau kehe? Maeke a koe ke fakaaoga e JW Language app ke fakaako e fakataitaiaga mukamuka. Po ke fakaaoga e matini utafano haau ke fakakite ke he tagata e puhala ke moua e ia e falu vala tala ke he vagahau haana he jw.org

• Kia matakite. Ka gahua a koe mai he taha fale ke he taha fale, ua fakatonoa e tau magaaho ke fakamatala ki a lautolu ne o fano po ko lautolu ne fakatali he tau motokā. Ka fakamatala a koe ke he toloaga, hagaaki tumau ke he foliaga haau ke fakamatala

• Kia fakamakutu. Eketaha ke moua a lautolu ne nakai haia i kaina he fina atu fakamua. Lali ke tutala ke he taha tagata he tau kaina takitaha, liga he magaaho kehe he aho po ke aho kehe he faahi tapu. Falu tagata he kaina kua liga lata ke matutaki he tohitohi, telefoni, po ke fakamatala he puhalatū

• Liu fakakia. Liu fakamafiti ke fakakia ka kitia e fiafia. Ka kehe e vagahau he tagata, lali ke kumi taha kua lata ke lagomatai a ia ke he vagahau haana. Lata a koe ke matutaki ke fina atu ke he tagata ia ato o atu e tau tagata fakailoa ne vagahau e vagahau haana.​—od-E lau 94 para. 39-40

KITEKITE E VITIŌ FAKAMATALA “KE HOKO NI KE HE FAKAOTIAGA HE LALOLAGI,” TI TALI E TAU HŪHŪ NĀ:

• 

  Ko e heigoa e tau fakatokaaga ne taute he tau matakainaga ke matutaki ke he tau tagata he tau matakavi mamao? (1Ko 9:22, 23)

• 

  Ko e heigoa e tau paleko ne lata ia lautolu ke fahia ki ai?

• 

  Ko e heigoa e tau monuina ne moua e lautolu?

• Ko e heigoa haau ka taute ke tutala ke he tokologa e tagata he fonua?