Ko e Ha ne Ō e Tau Fakamoli a Iehova he Taha Gutuhala ke he Taha Gutuhala?

Tala age a Iesu ke he tau tutaki haana “ke eke e tau motu oti kana mo tutaki.” (Mataio 28:19, 20) Magaaho ne fakafano atu e Iesu e tau tutaki fakamua atu haana, ne poaki e ia ke o atu ke he tau kaina he tau tagata. (Mataio 10:7, 11-13) He mole e mate ha Iesu ne matutaki e tau Kerisiano he senetenari fakamua ke fakapuloa e fekau ha lautolu “ki mua he tau tagata, katoa foki mo e taha fale mo e taha fale.” (Gahua 5:42; 20:20) Kua mumuitua a mautolu ke he fakafifitakiaga ha lautolu ia ko e tau Kerisiano fakamua atu ti iloa ko e fekafekauaga he taha gutuhala mo e taha gutuhala ko e puhala mitaki ke hokotia ke he tau tagata.