Tau Fakafeleveiaaga Fakataitai

Tau Tala he Kautu Nu. 38

“Ko e taute au he matagahua kua fakahoko ke he lalolagi katoa ke tufa e fekau aoga nei. Ha ē e lagaki haau.”

Mailoga: Ke maeke ke taute katoa e fonua ha mutolu, fakakū e fakafeleveiaaga haau. Ka e he falu mogo, to liga fiafia mooli e tagata he kaina ti liga manako ke tutala. Ka pihia, maeke ia koe ke hūhū ko e heigoa e manatu haana ke he hūhū he kili i mua, totou age e tali he Tohi Tapu ne tohi i loto, ti tutala ke he taha vala he tuleke, ka fai magaaho. Ato toka e koe e kaina ia, fakakite age e hūhū he lau i tua “Ke Manamanatu ki Ai” ti fakatoka ke liu atu mo e fakatutala ki ai.

Ko e Kolo Toko Novema-Tesemo

“Kua ahiahi mai a maua ha kua tokologa he matakavi ne manamanatu ke he kakano ne fakaatā he Atua ke lahi e matematekelea. Kua manamanatu nakai a koe ke he mena ia? [Fakaatā ma e tali.] Atihake ai ha kua mavehe mai he Tohi Tapu to hoko mai e magaaho ti nakai tuai fai fakatutuku mo e matematekelea. [Totou Fakakiteaga 21:4.] Kua kumikumi he mekasini nei lima e matapatu kakano ko e ha ne lahi mahaki e matematekelea. Fakakite foki e talahauaga he Tohi Tapu hagaao ke he puhala ka fakaoti he Atua e matematekelea.”

Awake! Novema

“Kua ahiahi fakakū mai a maua ha kua tokologa e tagata kua manamanatu kua galo fakahaga e tau mahani mitaki. Manatu nakai a koe kua tokolalo e tuaga he tau mahani he tau tagata? [Fakaatā ma e tali.] Talahau tuai he Tohi Tapu to hiki e tau mahani mo e tau aga he tau tagata. [Totou 2 Timoteo 3:1-5.] Fakatutala e mekasini nei ke he kakano kua maeke ia tautolu ke falanaki ke he tau mahani mitaki i loto he Tohi Tapu.”