Ukufakaza Esimini Yamabhizinisi Ngokuqiniseka
1. Kubayini kungakafuzi siphelelwe lithemba nesikufumana kubudisi ukufakaza esimini yamabhizinisi?
1 Ukufumana kuthusa na ukufakaza esimini yamabhizinisi? Nengabe kunjalo, ungaphelelwa lithemba, ngombana ngitjho uPowula ogade asikhonzi esinesibindi begodu esingasabi kwatlhogeka bona ‘abe nesibindi’ sokutjhumayela. (1 Tes. 2:2) Sizokucoca ngeentjhijilo ezijayelekileko kuhlanganise neemphakamiso zokuzihlula.
2. Kubayini kungakafuzi sitshwenyeke ngokusilinga iinsebenzi?
2 Kghani Ukuthikazisa Iinsebenzi Kuzozisilinga? Iinsebenzi ezinengi ezisebenza eendaweni zamabhizinisi zikhonza umphakathi begodu zikulindele ukuthikaziswa. Kanengi ziba nomoya ophasi, njengombana zingakuqala njengomuntu ongaba mthengi. Ngokwembatha ngendlela ehloniphekileko nangokuba nobungani, ungabenza bakuphathe ngehlonipho.
3. Singakubalekela njani ukusilinga abathengi?
3 Kghani Kuzokutlhogeka Ngitjhumayele Phambi Kwabathengi Abanengi? Nekukghonekako, khetha isikhathi iintolo ezingatinazeli ngaso, njengalokho nezivulwako. Linda bekube kulapho imenenjara namtjhana umabhalana ayedwa ngaphambi kobana uye kuye. Yenza itjumayelwakho ibe yifitjhani khulu.
4. Khuyini okufuze siyitjho nesisebenza isimu yamabhizinisi?
4 Kufuze Ngithini? Nekuneensebenzi ezinengana, khuluma nomuntu ophetheko. Ungathi: “Kubudisi ukufumana obosomabhizinisi emakhaya, ye-ke sikuvakatjhele emsebenzinapha. Ngiyazi bona uyasebenza, ngalokho ngizokukhuluma kancani.” Bona kungabi ngasuthi siyathengisa, ngokujayelekileko kungcono ukungalikhulumeli ilungiselelo lomnikelo ngaphandle kwalapho sibuzwe bona siwusekela njani umsebenzethu ngokweemmali. Kuye ngokobana lihlobo elinjani lebhizinisi, ungabawa imvume emntwini ophetheko yokukhuluma kancani neensebenzi. Buyelela itjumayelo efanako nakizo. Nengabe isisebenzi sibonakala simajadu, yenza itjumayelwakho ibe yifitjhani begodu usitjhiyele iphetjhana. Nengabe akukghonakali ukukhuluma neensebenzi, mhlamunye ungavunyelwa ukutjhiya iincwadi endaweni iinsebenzi eziphumulela kiyo.
5. Ngimaphi amabanga wokuhlanganyela ekufakazeni eendaweni zamabhizinisi ngesibindi?
5 UJesu noPowula batjhumayela ebantwini endaweni zabo zamabhizinisi ngesibindi, nawe ungakghona. (Mat. 4:18-21; 9:9; IZe. 17:17) Bawa uJehova akusize ube nomoya ophasi begodu nenesibindi. (IZe. 4:29) Akukajayeleki ukungafumani abantu esimini yamabhizinisi, alo kubayini singayilingi indlela ekhiqizako le yokufakaza?