Isifundo 14

Abangani BakaZimu Bayakubalekela Okumbi

USathana ulinga abantu bonyana benze izinto ezimbi. Umuntu ofuna ukuba mngani kaZimu kufuneka ahloye lokho uJehova akuhloyileko. (AmaRhalani 97:10) Nanzi iintwezinye abangani bakaZimu abazibalekelako:

Izono zomseme. “Ningahlobongi.” (Eksodosi 20:14) Ukuya emsemeni ngaphambi komtjhado nakho akukalungi.—1 kwebeKorinte 6:18.

Ukudakwa. ‘Iindakwa . . . [angeze] zalidla ilifa lombuso kaZimu.’—1 kwebeKorinte 6:10.

Ukubulala, Ukurhulula Umbungu. “Ungabulali.”—Eksodosi 20:13.

Ukweba. “Ungebi.”—Eksodosi 20:15

Amanga. UJehova uyalizonda “ilimi lamanga.”—Iziyema 6:17.

Inturhu, Nokusilingeka Okungalawulekiko. “Boke abathanda inturhu [uJehova] ubahloyile.” (AmaRhalani 11:5) ‘Imisebenzi yomzimba [ihlanganisa] . . . ukuba nekani nokurarana.’—KwebeGalatiya 5:19, 20.

Ukubheja. “Niyelele woke umuntu . . . [omarhamaru].”—1 kwebeKorinte 5:11.

Ubuhlanga, Nehloyo Lobutjhaba. “Thandani amanaba wenu nithandazele labo abanizumako.”—Matewu 5:43, 44.

Izinto uZimu asitjela zona zirhelebha thina. Ukubalekela ukwenza izinto ezimbi akusibulula ngaso soke isikhathi. Ngerhelebho lakaJehova nelaboFakazi bakhe, ungakubalekela ukwenza izinto ezingamthabisiko uZimu.—Isaya 48:17; KwebeFilipi 4:13; KumaHebheru 10:24, 25.