UZimu Uberegisa Abaphorofidi Bonyana Badlulisele Imilayezo Yakhe

Ingcenye 14

UZimu Uberegisa Abaphorofidi Bonyana Badlulisele Imilayezo Yakhe

UJehova ukhetha abaphorofidi bona badlulisele imiyalezo emalungana nokwahlulela, ukukhulekela okuhlanzekileko, nethemba lakaMesiya

PHAKATHI neenkathi zamakhosi wakwa-Israyeli namaJuda, isiqhema esikhethekileko samadoda abaphorofidi sadlulisela imilayezo kaZimu. La, bekumadoda anekholo elirarako begodu nesibindi sokukhuluma iingwebo zakaZimu. Akhese ubone iinhloko ezine eziqakathekileko ezavezwa baphorofidi bakaZimu.

1. Ukutjhatjalaliswa kweJerusalema. Esikhathini esidlulileko, abaphorofidi bakaZimu—u-Isaya noJeremiya ngokukhethekileko—bathoma ukuyelelisa bona iJerusalema lizokutjhatjalaliswa begodu litjhiywe. Ngelizwi elizwakalako, baveza bona kubayini uZimu alikwatela idorobhelo. Namtjhana abantu beJerusalema bebenza ngasuthi bakhulekela uZimu, imikghwa yabo yokukhulekela kwamanga, ukukhohlakala nokuba nenturhu, beyibabonakalisa bona bazenzisi.—2 Amakhosi 21:10-15; Isaya 3:1-8, 16-26; Jeremiya 2:1–3:13.

2. Ukubuyiselwa kokukhulekela okuhlanzekileko. Ngemva kweminyaka eyi-70 basekuthunjweni, abantu bakaZimu bebazokutjhatjhululwa eBhabhiloni. Bebazokubuyela enarhenabo begodu balakhe ngobutjha itempeli lakaJehova eJerusalema. (Jeremiya 46:27; Amosi 9:13-15) Eminyakeni engaba yi-200 edlulileko, u-Isaya wabikezela ngebizo lomthumbi—uKoresi—ebekazokuhlula iBhabhiloni begodu avumele abantu bakaZimu bonyana babuyisele ukukhulekela okuhlanzekileko. U-Isaya wahlathulula indlela engakajayeleki uKoresi azokuhlula ngayo idorobha leBhabhiloni.—Isaya 44:24–45:3.

3. Ukufika kwakaMesiya begodu nemininingwana yokuphila kwakhe. UMesiya bekazokubelethelwa edorobheni leBhetlehema. (Mika 5:2) Bekayokuba mumuntu othobekileko, bekazokufika eJerusalema akhamba ngodumbane. (Zakariya 9:9) Namtjhana bekathobekile begodu anomusa, bengekhe athandwe babantu, abantu abanengi bebazomhloya. (Isaya 42:1-3; 53:1, 3) Bekazokuhlongakala kabuhlungu. Ipilo kaMesiya beyizokuphelela lapho na? Awa, ukutshwenyeka kwakhe kwenze bona abanengi balibalelwe izono zabo. (Isaya 53:4, 5, 9-12) Kuvuswa kwakhe kwaphela okungafeza lokho.

4. Ukubusa kwakaMesiya ephasini. Abantu abanesono, abakghoni ukuzibusa ngokuthula, kodwana iKosi enguMesiya izokubizwa bona yiKosi Yokuthula. (Isaya 9:6, 7; Jeremiya 10:23) Ngaphasi kokubusa kwakhe, boke abantu bazokuba nokuthula phakathi kwabo begodu nazo zoke iinlwana. (Isaya 11:3-7) Ukugula ngeze kusabakhona. (Isaya 33:24) Nokufa ngokufanako kuzokuginywa unomphela. (Isaya 25:8) Phakathi nokubusa kwakaMesiya, abantu abahlongakeleko bazokuvuselwa ekuphileni ephasini.—Danyela 12:13.

—Isekelwe eencwadini u-Isaya, Jeremiya, Danyela, Amosi, Mika begodu noZakariya.

◼ Abaphorofidi bakaZimu badlulisela muphi umlayezo?

◼ Abaphorofidi bakubikezela bunjani ukutjhatjalaliswa nokubuyiselwa kweJerusalema?

◼ Yini abaphorofidi bakaJehova abayitjho malungana noMesiya begodu nezinto azokuqalana nazo?

◼ Abaphorofidi bakuveza bunjani ukubusa kwakaMesiya ephasini?

[Itjhadi ekhasini 17]

Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya ●

Jeremiya ●

Isililo ●

Ezekiyeli ●

Danyela ●

Hosiya ●

Juweli ●

Amosi ●

Obadiya ●

Jona ●

Mika ●

Nahumi ●

Habakuki ●

Zefaniya ●

Hagayi ●

Zakariya ●

Malaki ●

Matewu

Markosi

Luka

Jwanisi

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi

2 kuThimothi

KuTitosi

KuFilimoni

KumaHebheru

KaJakobosi

1 KaPitrosi

2 KaPitrosi

1 KaJwanisi

2 KaJwanisi

3 KaJwanisi

KaJuda

ISambulo