Ingcenye 26
IPhasi Liba YiPharadeyisi!
Ngaphasi koMbuso kaKrestu, uJehova ucwengisa ibizo lakhe, alwele ubukhosi bakhe begodu asuse boke ubumbi
INCWADI yamaswaphela eBhayibhilini ebizwa bona yiSambulo, inikela ithemba kiso soke isintu. Incwadi etlolwe mpostoli uJwanisi le, isitjengisa ngalokho okuzokwenzeka esikhathini esizako okuzokuphumela ekuzalisekeni okuthabisako komnqopho kaJehova.
Embonweni wokuthoma uJesu ovusiweko ulaya begodu ulungisa amabandla athileko. Umbono olandelako usitjengisa isihlalo sobukhosi sakaZimu sezulwini, lapho iindalwa zomoya zidumisa uZimu.
Njengombana iimnqopho kaZimu iragela phambili, imvana uJesu Krestu imukela incwadi esongiweko enamatshwayo alikhomba. Nekavula lokuthoma lamatshwayo amane, amadoda akhwele iimpera ezingokomfanekiso abangela itjhuguluko ephasini. Wokuthoma okhwele ipera emhlophe nothwele umqhele njengeKosi nguJesu. Kwalandela abakhweli beempera ezineembala ehlukahlukeneko, ngokwesiphorofido abajamele ipi, indlala namalwelwe—okuyizinto ezenzeka esikhathini sokuphela kwephasi. Ukuvulwa kwetshwayo lekhomba ekulileni kweempalapala ezilikhomba ezingokomfanekiso, zimemezela ngeengwebo zakaJehova. Lokhu kwadosela eembethweni ezilikhomba ezingokomfanekiso, namtjhana eziveza ilaka lakaZimu.
UMbuso kaZimu, okhulunyelwa njengokubelethwa komntwana omduna, ujanyiswe ezulwini. Kuba nepi ezulwini, uSathana neengilozi zakhe ezimbi baqothelwa ephasini. Ilizwi elikhulu lithi: “Kodwana nakho kuwe phasi.” USathana unelaka elikhulu uyazi bona usalelwe sikhathi esifitjhani.—ISambulo 12:12.
UJwanisi ubona uJesu ajanyelwe njengemvana ezulwini, anabayi-144 000 abakhethwe esintwini. Laba “bayoba bapristi,” okutjho bona bayokuba makhosi noJesu. ISambulo siveza bona ingcenye yesibili yenzalo ibabantu abayi-144 000.—ISambulo 14:1; 20:6.
Ababusi bephasi bahlangana e-Armagedoni, “ipi eyodwa mhlana wesuku elikhulu lakaZimu uMninimandla woke.” Bahlanganyela ipi naloyo okhwele ipera emhlophe—uJesu, odosa phambili ibutho lepi lezulwini. Boke ababusi bephaseli bayatjhatjalaliswa. uSathana uyabotjhwa, begodu uJesu nabayi-144 000 babusa ephasini “ikulungwana yeminyaka.” Ekupheleni kweminyana eyikulungwana uSathana uyatjhatjalaliswa.—ISambulo 16:14; 20:4.
Iminyaka eyikulungwana yokubusa kwakaKrestu nalabo ayokubusa nabo, izokuletha miphi imiphumela esintwini esilalelako? UJwanisi uyatlola uthi: “[UJehova] uzobesula zoke iinyembezi emehlweni wabo. Ukufa angekhe kusaba khona, nokulila nobuhlungu angekhe kusaba khona, ngombana izinto zokuthoma zidlulile.” (ISambulo 21:4) Iphasi liba yiPharadeyisi!
Yeke-ke, incwadi yeSambulo izalisa umlayezo weBhayibhili. NgoMbuso wobuMesiya, ibizo lakaJehova liyacwengiswa begodu nobukhosi bakhe bulwelwa ngokungapheliko!
—Isekelwe encwadini yeSambulo.
◼ Bajameleni abakhweli bempera abangokomfanekiso?
◼ Ngiziphi izinto egade zilokhu zisenzeka njengombana iminqopho kaZimu iragela phambili?
◼ Khuyini i-Armagedoni, begodu iyini imiphumela yayo?
[Ibhoksi elisekhasini 30]
“IBHABHILONI YODUMO”
Encwadini yeSambulo zoke iinkolo zamanga—okuziinkolo eziphikisana noZimu wamambala—zizoke zibizwa bona “ingwadlakazi.” Ingwadlakazi le, ibizwa bona “IBhabhiloni yodumo,” begodu ithengisa ngedini okutjho bona ifeba nababusi bepolotiki bephasi zombelele. Incwadi yeSambulo ithi, ngesikhathi sakaJehova uZimu esifaneleko, ababusaba bazokujikela isifebe sedumesi basitjhabalalise.—ISambulo 17:1-5, 16, 17.
[Itjhadi ekhasini 30]
Genesisi
Eksodosi
Lefitikosi
Numeri
Duteronomi
Joshuwa
Abahluleli
Rude
1 Samuweli
2 Samuweli
1 Amakhosi
2 Amakhosi
1 Imilando
2 Imilando
Ezra
Nehemiya
Esta
Jobhi
AmaRhalani
Iziyema
Umtjhumayeli
Irhubo lamarhubo
Matewu
Markosi
Luka
Jwanisi
IZenzo
KwebeRoma
1 KwebeKorinte
2 KwebeKorinte
KwebeGalatiya
Kwebe-Efesu
KwebeFilipi
KwebeKholose
1 KwebeTesalonika
2 KwebeTesalonika
1 kuThimothi
2 kuThimothi
KuTitosi
KuFilimoni
KumaHebheru
KaJakobosi
1 KaPitrosi
2 KaPitrosi
1 KaJwanisi
2 KaJwanisi
3 KaJwanisi
KaJuda
● ISambulo