Yiba Nehlonipho

Ikambisolawulo: “Amezwenu awabe nomusa.” —Kol. 4:6.

Lokho UPowula Akwenzako

Umpostoli uPowula ubonisana nabantu be-Athene.

IVIDIYO: UPowula Utjhumayeza Abantu Be-Athene

1. Bukela IVIDIYO, namkha ufunde izEnzo 17:22, 23. Ngemva kwalokho uphendule imibuzo elandelako:

UPowula wazizwa njani ngokulotjha kwamala akubona e-Athene?—Funda izEnzo 17:16.
Kunokobana asole abantu be-Athene, uPowula wazihlonipha njani iinkolelo zabo ukwenzela bona akghone ukucoca nabo ngeendaba ezimnandi?

Khuyini Esiyifunda KuPowula?

2. Kuzokuba bulula ngabantu ukuthi basilalele nange sikhetha kuhle lokho esikutjhoko nendlela esikutjho ngayo nokuthi sikutjho nini.

Lingisa UPowula

3. Akhethe kuhle amezwakho. Ngokwesibonelo, nawukhuluma nomuntu ongazi litho ngobuKrestu, kungatlhogeka ulungise indlela othula ngayo iBhayibheli namkha okhuluma ngayo ngoJesu.

4. Ungarhabeli ukulungisa umuntu. Mvumele aveze imibonwakhe ngokutjhaphulukileko. Nange atjho into ephambene nefundiso yeBhayibheli ungaphikisani naye. (Jak. 1:19) Ngokumlalelisisa uzokukghona ukubona ukuthi khuyini ayikholelwako nokuthi kubayini ayikholelwa.—IzA. 20:5.

5. Vumelana naye umbuke nakukghonekako. Kungenzeka ukholelwa ukuthi iinkolelo zakhe ziliqiniso. Linga ukukhuluma naye ngento nobabili enivumelana ngayo, bese kancanikancani ulinga ukumsiza azwisise lokho iBhayibheli elikufundisako.

GODU FUNDA

IzA. 25:15; 2 Thim. 2:23-26; 1 Pit. 3:15