Ragela Phambili Ulinga Ukusiza Abantu

Ikambisolawulo: “Baragela phambili bangaliseleli, bafundisa begodu batjhumayela iindaba ezimnandi.”—IzE. 5:42.

Lokho UPowula Akwenzako

Umpostoli uPowula ukhuluma nesiqhema sabantu ngeendaba ezimnandi ewolweni lesikolo.

IVIDIYO: UPowula Uragela Phambili Asiza Abantu E-Efesu

1. Bukela IVIDIYO, namkha ufunde izEnzo 19:8-10. Ngemva kwalokho uphendule imibuzo elandelako:

Kunokuthi aphele amandla lokha nabamphikisako, uPowula waragela phambili njani asiza labo ebebanekareko?
UPowula wabuyela kanengi kangangani ukuyokufundisa abantu abanekareko begodu wakwenza isikhathi esingangani?

Khuyini Esiyifunda KuPowula?

2. Sitlhoga ukuzipha isikhathi besenze nemizamo nasizakwenza amabuyelo aphumelelako besithome neemfundo zeBhayibheli.

Lingisa UPowula

3. Zimisele ukuvakatjhela umuntu ngesikhathi afumaneka ngaso. Zibuze: ‘Kunini begodu kukuphi la afumaneka khona? Uzokuba naso nini isikhathi sokukhuluma nami?’ Zimisele ukumvakatjhela ngitjho nanyana unganasikhathi.

4. Hlelani ukuthi nizokukhuluma nini godu. Qobe naniqeda ukukhuluma, bekani isikhathi sokuthi nizokukhuluma nini godu. Qiniseka bona uyaya.

5. Hlala unethemba. Ungarhabi ukucabanga ukuthi lokha umuntu nakubudisi ukumfumana namkha ahlala amajadu, akanakareko. (1 Kor. 13:4, 7) Ragela phambili ulinga ukumfumana kodwana uqiniseke ukuthi usisebenzisa kuhle isikhathi sakho.—1 Kor. 9:26.

GODU FUNDA

IzE. 10:42; 1 Kor. 9:22, 23; 2 Kor. 4:1; Gal. 6:9