Enye Yeendlela Zokusebenzisa Incwajana Yomlayezo WeBhayibhili
Abanengi esimini yethu, khulukhulu labo abangasi malunga wekolo yobuKrestu, abakajayelani neBhayibhili. Nebafunda nabantu abanjalo encwadini ethi, Okufundiswa YiBhayibhili, abanye abarhuweleli babuye basebenzise incwajana ethi, Umlayezo WeBhayibhili bona basize iimfundo zabo zikghone ukuthola ihlathululo erhunyeziweko malungana neBhayibhili. Ngokwesibonelo, omunye umzalwana wethula ingcenye 1 yencwajana leyo nebafunda isahluko 3 sencwadi ethi, Okufundiswa YiBhayibhili. Ngemva kwalokho, ucoca ngesinye isahluko ekuphetheni kwesihloko ngasinye. Inga-kghani nawe ufunda nomuntu onelwazi elincani nofana ongakajayelani neBhayibhili? Ukumsiza bona afunde ‘imitlolo ecwengileko enamandla ezomrhelebha bona ahlakaniphe khona azakuphuluswa,’ hlela ukuzisebenzisa zombili, incwadi ethi Okufundiswa YiBhayibhili kunye nencwajana ethi Umlayezo WeBhayibhili.—2 Thi. 3:15.