Sibulunge
Uyazisebenzisa Incwajanezi?
IBhayibhili—Inamuphi Umlayezo?
Yenzelwe ukukara labo abanelwazi elincani ngeBhayibhili, khulukhulu labo abangasisekolweni yobuKrestu
Indlela engakhanjiswa ngayo: “Singakuthabela ukuzwa umbonwakho ngalokho ekutjhiwo lapha eMitlolweni (namtjhana encwadini ecwengileko le). [Funda iRhalani 37:11, njengombana kuqaliselwe kilo engcenyeni 11.] Ucabanga bona iphasi lizokuba njani nekuzaliseka isiporofidwesi? [Lindela ipendulo.] Lesi sibonelo sethemba nenduduzo abantu bawo woke amasiko neenkolo abangayifumana eBhayibhilini.” Funda isigaba esiphezulu ekhasini 3, ukhambise incwajana.
Ungalinga nakhu: Nengabe uraga isifundo seBhayibhili nomuntu ongasisekolweni yobuKrestu ngencwadi ethi Lifundisani IBhayibhili, thatha iimzuzu embalwa ekuthomeni namtjhana ekupheleni kwesifundo ngasinye ucabangele ingcenye yinye yencwajana le ukumnikela ilwazi elirhunyeziweko leBhayibhili.
Indlela Eya Ekuphileni Okungapheliko−Uyifumene?
Yenzelwe ukusiza abantu babone bonyana akusikho koke ukukhulekela okwamukelekako kuZimu
Indlela engakhanjiswa ngayo: Kuneendlela ezinengi ezihlukahlukeneko zokukhulekela. UZimu uyazamukela na zoke iindlela eziphikisanako abantu abathi bamkhulekela ngazo? Funda uMatewu 7:13, 14. UJesu, umporofidi kaZimu, watjengisa bona kuneendlela eembili kwaphela, enye idosela ekuphileni okungapheliko enye ekutjhatjalalisweni. Umnqopho wencwajana le kukusiza ufumane indlela edosela ekuphileni okungapheliko.
Ungalinga nakhu: Bawa ukubuya nizokufunda incwajana le nomninimuzi, nihlole neemtlolo eBhayibhilini lakhe. Nekufanelekako, yethula incwadi ethi Lifundisani IBhayibhili kumninimuzi.
Ungaba Mngani KaZimu!
Yenzelwe ukukara labo abanefundo elinganiselweko namtjhana abangakghoni ukufunda kuhle
Indlela engakhanjiswa ngayo: “Ucabanga bona kungakghoneka ngathi bona sibe bangani bakaZimu? [Lindela ipendulo. Bese ufunda uJakobosi 2:23.] Incwajana le yenzelwe ukusisiza bona sibe bangani bakaZimu, njengo-Abrahama.”
Ungalinga nakhu: Kungaba sekukhambeleni kokuthoma namtjhana kusebuyelweni, tjengisa bona isifundo seBhayibhili siragwa njani ngokucoca ngaso soke namtjhana iingcenye yesifundo 1.
Imimoya Yabafileyo−Ingakusiza Noma Ingakulimaza? Ingabe Ikhona Ngempela?
Yenzelwe ukunikela ubufakazi obukholisako bokobana abantu akukafuzi basabe litho elivela kwabahlongakeleko. Inikela ubufakazi bokobana abantu abahlongakeleko abanamandla
Indlela engakhanjiswa ngayo: Abantu abanengi basaba abahlongakeleko, bakholelwa bona bangaba nomthelela kwabaphilako. Lifundisani iBhayibhili? Funda UMtjhumayeli 9:5, 6, 10. Ngokomtlolo lo, abahlongakeleko bangakghona na ukutjengisa ithando namtjhana ihloyo ngabaphilako? Incwajana le inikela iimpendulo ezikhanyako nezanelisako zeembuzo abanengi abanayo ngobujamo babahlongakeleko.
Ungalinga nakhu: Nengabe incwajana le iyamukelwa, bawa ukubuya uzokucoca ngendaba le uphendule neembuzo umninimuzi angaba nayo. Yethula incwadi ethi Lifundisani IBhayibhili msinyana ngendlela ekungakghoneka ngayo.
The Guidance of God—Our Way to Paradise
Yenzelwe ukukara ama-Muslim ahlala endaweni lapho angazizwa atjhaphulukile ukufunda iBhayibhili
Indlela engakhanjiswa ngayo: “Ngizwa kuthiwa ama-Muslim akholelwa kuZimu munye weqiniso nakibo boke abaporofidi. Kuliqiniso lokho? [Lindela ipendulo.] Ngingathanda ukukhuluma nawe ngesiporofido sekadeni esibikezela ngokutjhuguluka kwephasi libe yiparadeyisi. Ngingakufundela lokho umporofidi loyo akutlolako? [Funda u-Isaya 11:6-9.] Abanengi bayazibuza bona uZimu uzowenza njani amatjhuguluko anjalo ephasini. Incwajana le itjengisa lokho abaporofidi abakutjhoko ngendaba le.”
Ungalinga nakhu: Nengabe umninimuzi uyayamukela incwajana, ithi: “Incwadi kaZimu le ihlathulula bona ekuthomeni, umuntu bekaphila eparadeyisini. Engcocweni yesikhathi esizako, ngingathanda ukuphendula umbuzo othi, ‘Umuntu waphambuka njani esinqophisweni sakaZimu begodu walahlekelwa yiparadeyisi?’” Newubuyelako, coca ngesithomo sengcenye ethoma ekhasini 6.
Real Faith−Your Key to a Happy Life
Yenzelwe ukukara ama-Muslim ahlala endaweni lapho angazizwa atjhaphulukile ukufunda iBhayibhili
Indlela engakhanjiswa ngayo: Tjengisa umninimuzi isithombe esisemakhasini 16-17 bese uthi: “Lokhu kuhluke khulu kilokho esikubona ephasini namhlanjesi. Ucabanga bona kungakghoneka iphasi libe njengaleli ngelinye ilanga? [Lindela ipendulo.] Tjheja lokho okuthenjiswa yincwadi kaZimu le. [Funda omunye weemtlolo edzubhuliweko eBhayibhilini lakho.] Incwajana le isisiza sihlawulele ikholo lamambala lokobana iinthembiso ezinjalo zizokuzaliseka.”
Ungalinga nakhu: Emaswapheleni wokukhambela kokuthoma, bawa umninimuzi bona akhethe umbuzo munye osesigubuzesweni esingemuva. Bese wenza amalungiselelo wokucoca ngependulo esencwajaneni newubuyako.
The Pathway to Peace and Happiness
Yenzelwe ukukara ama-Buddha
Indlela yokukhambisela umuntu omkhulu om-Buddha: “Mhlamunye utshwenyeke njengami ngokwanda kweembono eyonakeleko neemphumela eba khona ebantwaneni bethu. Ucabanga bona kubayini kunokuziphatha okumbi ebantwini abatjha? [Lindela ipendulo.] Bewazi bona lokhu kwabikezelwa encwadini eyathonywa ukutlolwa kade ngaphambi kobana kube nekolo yamaKrestu, yama-Hindu neyama-Muslim? [Funda ye-2 KuThimothi 3:1-3.] Tjheja bona ubujamobu buyanda naphezu kwefundo eragela phambili. [Funda ivesi 7.] Ukwaziswa okukumagazini lo kungisize bona ngizwisise amaqiniso abantu abanengi abangakhenge bawafunde. Ungathanda ukuyifunda?”
Ungalinga nakhu: Ebuyelweni lesikhathi esizako, ngemva kokuhlawulela ikareko yomninimuzi eBhayibhilini, mtjengise iimbuzo esesigubuzesweni esingemuva, umtjengise isikhangiso sencwadi ethi Lifundisani IBhayibhili. Hlathulula bona uyiphethe nengabe ufuna ukuyibona. Mtjengise irhelo leenhloko lencwadi le, bese nicabangele isigaba namtjhana eembili esihlokweni asikhethileko.
Why Should We Worship God in Love and Truth?
Yenzelwe ukukara amaHindu
Indlela engakhanjiswa ngayo: “Umthandazo odumileko we-India ubandakanya isibawo sokufumana iqiniso nokukhanya.’ Ucabanga bona kuqakathekile ukukhulekela uZimu ngethando nangeqiniso? [Lindela ipendulo.] Tjheja lokho uJesu akutjhoko ngalokhu.” Funda uJwanisi 4:24. Bese ufunda isigaba 4 ekhasini 3 bese ukhambisa incwajana le.
Ungalinga nakhu: Nengabe umninimuzi uyayamukela incwajana, ithi: “Ezinye izazi zamaHindu zithi iqiniso lifihleke eenhliziyweni zethu. Abanye bathi iqiniso lifumaneka eemtlolweni ecwengileko. Esikhathini esizako, ngingathanda ukucoca ngombuzo obuzwe ekupheleni kwesigaba 3 ekhasini 4 othi: ‘Kufuze silifunephi iqiniso elivela kuZimu?’”
Lasting Peace and Happiness—How to Find Them
Yenzelwe ukukara amaTjhayina
Indlela engakhanjiswa ngayo: “Namhlanjesi ipilo ineentjhijilo ezingasiqedela ithabo. Yini ekusiza uthabe naphezu kweemraro? [Lindela ipendulo.] Abantu abanengi bafumane ithabo ngokulandela isiluleko seBhayibhili. [Funda IRhalani 119:1, 2.] Abanye baqala iBhayibhili njengencwadi yeTjhingalanga. Kodwana tjheja lokhu. [Cabangela isigaba 16 ekhasini 17.] Incwajana le ikhuluma ngokobana singakufumana njani ukuthula nethabo elingapheliko.”
Ungalinga nakhu: Nengabe umninimuzi uyayamukela incwajana, fundani ndawonye imitjho eemthathu yokuthoma yesigaba 18 ekhasini 17 bese uthi: “Nengibuyako, ngingathanda ukukutjengisa esingaqala phambili kikho ngokuya ngeBhayibhili.” Newubuyelako, cabangela elinye lamaphuzu asesigabeni 6 ekhasini 30.