Incwajana Etjha Ezokukhanjiswa!
1. Khuyini ezokukhanjiswa ngoNovemba, begodu uyini umnqopho wencwajana le?
1 Emhlanganweni wethu weSigodi ka-2009 ogade unesihloko esithi “Hlalani Nilindile!” Kwatjhaphululwa incwajana etjha enesihloko esithi IBhayibhili—Inamuphi Umlayezo? NgoNovemba amabandla ephasini loke azabe akhambisa incwajana le kokuthoma. Izobazuzisa njani abantu incwajana le esimini yethu? Abantu abanengi, khulukhulu labo abangekho eenkolweni zobuKrestu, bazi kancani ngeBhayibhili. Ngalokho, incwajana le iyahlathulula ekhasini 3 bona yenzelwe ukunikela “ilwazi elisisekelo ngeBhayibhili.”
2. Singayikhambisa njani incwajana le?
2 Indlela Yokuyikhambisa: Nakhu esingakutjho: “Singathanda ukuthola umbono wakho ngalokho okutjhiwo ngilokhu. [Funda 2 KuThimothi 3:16.] Abanengi esikhuluma nabo bayavumelana namezwi la; abanye banomuzwa wokobana iBhayibhili sekuyincwadi nje ehle. Wena ucabangani ngeBhayibhili? [Lindela ipendulo.] Kungakhathaliseki bona khuyini esikukholelwako, kuneenzathu ezihle ezisenza sizihlolele iBhayibhili. [Funda isingeniso esigabeni esisekuthomeni kwekhasi 3.] Njengombana ufunda umlayezo orhunyeziweko othinta ihliziyo lo weBhayibhili, otholakala encwajaneni le, uzokubona okuthileko okukarako: IBhayibhili inesihloko esisodwa nomlayezo owodwa.”
3. Ngiyiphi enye itjumayelo esingayiberegisa, khulukhulu esimini lapho kunabantu abangasisekolweni yobuKrestu?
3 Nasi enye indlela, khulukhulu nasitjhumayela lapho abantu abanengi bangasi maKrestu: “Singathanda ukufumana umbononwakho kilokhu okutlolwe eeMtlolweni (namtjhana encwadini ecwengileko). [Funda AmaRhalani 37:11, okukhulunywa ngawo engcenyeni-11 yencwajana le.] Ucabanga bona iphasi lizokuba njani nakuzaliseka isiprofidwesi? [Lindela ipendulo.] Lesi sibonelo sethemba nenduduzo esiseBhayibhilini esingafumanwa babantu bazo zoke iinhlanga neenkolo. Funda isigaba esingehla ekhasini 3, begodu umkhambisele incwajana.
4. Singayiberegisa njani incwajana le ekuthomeni isifundo seBhayibhili?
4 Thoma isifundo seBhayibhili: Nasibuyelako singakhumbuza umininindlu ngekulumiswano esibe nayo ngokudlulileko begodu sicabangele isigaba namtjhana iinhloko eembili esicoce ngazo, sisebenzisa iimbuzo esek’pheleni kwengcenye leyo. Nengabe sifuna ukumtjhiyela incwadi ethi Okufundiswa YiBhayibhili khonokho, singafunda naye ikhasi elingemva kwencwajana, mnikele incwadi, mbuze bona ngiziphi iinhloko ezimkarako, begodu cabangelani isigaba sinye nofana eembili ndawonye esahlukweneso. Kwanga soke singahlanganyela ngokuzeleko ekukhanjisweni kwencwajana le ngoNovemba!