“Angisamfumani Ekhaya!”

Khewatjho njalo na ngomuntu othileko owatjengisa ikareko? Ngitjho nanyana ulinga ukubuyela kanengi emntwini loyo, awukghoni ukuthelelela imbewu yeqiniso oyitjalileko. (1 Kor. 3:6) Ngezinye iinkhathi, abarhuweleli abanelemuko batlolela umuntu abangakhange bamfumane ekhaya incwadi, nofana batjhiya okuthileko emnyango womuntu loyo. Abanye abarhuweleli balungiselela kusesengaphambili ukuqalana nomraro wokungafumani umuntu ekhaya bese bambawa iinomboro zomtato, mhlamunye ngokumbuza ukuthi, “Kghani uyabhalelana imilayezo?” Ibuyelo lingabalwa newuvakatjhela umuntu nofana ufakaza kuye ngokumtlolela incwadi, ngokumtjhiyela i-e-mail, ngokumtlolela umlayezo kufunjathwako, ngokumtjhiyela okuthileko emnyango, nofana ngokumdosela umtato. Ngitjho nanyana kuyindlala ukumfunyana ekhaya, kungakghonakala bona sithuthukise ikarekwakhe.