Ngesikhathi SesiKhumbuzo, Uzokukghona Na Ukulingisa Itjiseko KaJehova NoJesu?
1. Ngimuphi umzamo okhethekileko owenziwa boFakazi bakaJehova hlangana nesikhathi sesiKhumbuzo?
1 UJehova uyakutjhisakalela ukuzalisa umnqophwakhe. Ukuqalisela kezinye iimbusiso zomBuso kaZimu, u-Isaya 9:7 uthi: “Itjisakalo [kaJehova] uMninimandlawoke izakuphelelisa koke lokhu.” Ngokufanako, phakathi nekonzwakhe yephasini, iNdodana kaZimu yatjengisa itjiseko ekulu ngokukhulekela kweqiniso. (Jwa. 2:13-17; 4:34) Qobe mnyaka ngesikhathi sesiKhumbuzo, iingidi zabarhuweleli ephasini mazombe zenza umzamo okhethekileko wokulingisa itjiseko kaJehova noJesu ngokwandisa ikonzwazo. Kghani uzokuba hlangana nazo?
2. Ukuthoma ngoMatjhi 7 itjiseko izosikhuthaza bona senzeni?
2 Ijima LesiKhumbuzo: Nonyaka ijima lokukhambisa iimemo zesiKhumbuzo lizokuthoma ngoMgqibelo, kaMatjhi 7. Hlela kusese-nje bona uhlanganyela ekonzweni ngetjiseko. Amabandla azokuthabela ukuhlanganyela ngokuzeleko njengombana azokuhlanganisa ingcenye ekulu yesimawo ngendlela angakghona ngayo. Yenza umzamo ngokumema ofunda nabo iBhayibheli, amabuyelo, osebenza nabo, iinhlobo nofunda nabo esikolweni ngokubanikela isimemo nofana usebenzise i-jw.org.
3. Singayandisa njani ikonzwethu ngoMatjhi nango-Apreli?
3 Ubuphayona Besigiyani: Itjiseko izosenza sandise ikonzwethu. Akunakuzaza ukuthi abantu abanengi bazokukghona ukuthatha ubuphayona besigiyani ngoMatjhi nango-Apreli, njengombana sizokuba nethuba lokukhetha bona senze ifuneko yama-awara ama-30. Hlangana nokukhulekela komndeni namkha esifundweni somuntu mathupha, kuqalelele ngomthandazo ukuthi ungakwenza njani lokhu. (IzA. 15:22) Itjisekwakho ngejimeli ingenza abanye bona batjhiseke ekonzwenabo. Nengabe uhlela ubujamo bakho ukuthi wenze okungeziweko, uzabe ulingisa itjiseko kaJesu.—Mar. 6:31-34.
4. Ngiwuphi umvuzo esiwufumanako ngokulingisa itjiseko kaJehova noJesu?
4 Ukulingisa kwethu itjiseko kaJehova noJesu hlangana nesikhathi sesiKhumbuzo kuzosilethela umvuzo onothileko. Abantu abanengi esimini bazokufumana ubufakazi. Sizokufumana ithabo nokwaneliseka okuza ngokukhonza uJehova nokupha abanye. (IzE. 20:35) Okuqakatheke khulu, sizokuthabisa uZimethu onetjiseko neNdodanakhe.