Ijima Elikhethekileko Lokuthoma Iimfundo ZeBhayibheli NgoSeptemba

NgoSeptemba, sizokwenza umzamo okhethekileko wokuthoma iimfundo zeBhayibheli kibo boke esihlangana nabo sisebenzisa incwajana ethi, Thabela Ukuphila Ngokungapheliko! Abarhuweleli bangakhetha ukuthatha ubuphayona obusizako bama-awara ama-30. Lizokwenziwa njani ijima elikhethekilekweli?

• Nawutjhumayeza Umuntu Kokuthoma: Sebenzisa isigubuzeso esingemuva kwencwajana bona uvuse ikareko bewumtjengise nokuthi siragwa njani isifundo seBhayibheli. Ungabakhohlwa labo ekhebatjengisa ikareko esikhathini esidlulileko nalabo ekufuze ubuyele kibo. Ngitjho nanyana bangakhenge bafune ukufunda esikhathini esidlulileko, bangaba nekareko encwajaneni etja nendleleni etja okuragwa ngayo isifundo. Iincwajana akukafuzi zitjhiywe emizini enganabantu namkha zithunyelwe ngeencwadi kilabo abangakhenge babe nekareko nasibatjhumayezako. IKomidi yeKonzo yeBandla ingahlela bona kube nemihlangano yekonzo engeziweko ngenyanga leyo.

• Amanye Amathuba: Nangabe ibandla okilo lisebenzisa iinkarana, tjengisa incwajana ethi, Thabela Ukuphila Ngokungapheliko! Hlathululela labo abatjengisa ikareko bona incwajana le ikhambisana nesifundo seBhayibheli sasimahla. Mtjengise ukuthi siragwa njani isifundo seBhayibheli namkha ningahlela ukwenza njalo esikhathini esizako. Umbonisi wekonzo angahlela ukuthi abarhuweleli abafanelekako baye eendaweni zamarhwebo esiminabo babawe iimfundo zeBhayibheli. Ungabawa ukufunda iBhayibheli nalabo osebenza nabo namkha nabantu ohlangana nabo nawutjhumayela ngokungakahlelwa.

UJesu wasiyala ukuthi ‘senze abafundi,’ ‘sibafundise.’ (Mat 28:19, 20) Kwanga ijima elikhethekilekweli lingasisiza sifeze umyalo lo, sisebenzisa incwadi ethi, Thabela Ukuphila Ngokungapheliko!