Malizu kuli osonkhana

ANTCHITO OLIPELEKA Keno mufuna kuyavya pa ntchito ziyakine pansonkhano wamene uno, lutani ku Dipatimenti yothandiza ŵanthu komasoti Opanamila Antchito Olipeleka.

DIPATIMENTI YACHIPATALA Kumbukilani kuti dipatimenti yamene iyi yuyavya tyala pa VOCHITIKA VA MWAZIZIZI.

MALO ONKHALA Yeja-yejani kulingilila ayanu. Mukokumbukila kuti ŵanthu ŵamufunikila kusungila malo ni a m’banja mwanu, a mwawela nao pa motoka imo olo ŵamuphunzila nao Baibolo. Osaika vinthu pamalo onkhala, kupatulapo keno mwasungila munthu muyakine malo amene awo.

OLONDELA ALWENDO Olondela alwendo ntchito yawo nikukuyavyani. Tetyo, konkhejani malangizo onse ŵangakuujeni okatijana na malo aweme opanamikako ma motoka na njinga, njila zokatishila ntchito poloŵa m’malo ansonkhano na pofuma, kusunga malo onkhala na vinthu viyakine.

UBATIZO Ŵanthu okonzekela kubatiziwa ofunika kunkhala pamipando yakusogolo yaŵaikila. Keno pali malangizo ayakine osiyana na amene aŵa azalaŵiliwe. Ŵanthu amene awo ofunika kuzankhala pamipando yamene iyi, Pa Chiŵelu mmaŵa nkhani ya ubatizo ikaliye yamba. Aliyense ofunika kuleta chopukutila manzi na vovwala voyenelela.

VOTAIKA NA VOPEZEKA Mukadoba chinthu chilichonse, mukatwale ku Dipatimenti ya Votaika. Keno mwataya chilichonse mukakonshe ku dipatimenti yamene iyi. Mukafwana mwana waluŵila, mukamutwale ku dipatimenti yamene iyi. Koma lomba dipatimenti yamene iyi niyosungilako lini ŵana, mukoŵasamalila ŵana ŵanu soti nthawe zonse mukonkhala nao pamo.

ZOPELEKA Pofunika ndalama zinyinji kuti tinkhale na malo aweme ochitila nsonkhano, tinkhale na vokwejela malizu, vipangizo vowoneshela mavidiyo, komasoti vinthu viyakine vuyavya kuti nsonkhano wamene uyu unkhale wotemwesha soti utiyavye kutangisha ushamwali wasu na Yehova. Ndalama zamungatwale pano pansonkhano, ziyavye kulipila vinthu vamene ivi komasoti ziyavye pa ntchito ya pa chalo chonse. Mabokosi ni olembewa luweme ŵamungaponyemo zopeleka zanu, aikiwa m’malo osiyana-siyana pansonkhano wamene uno. Bungwe Yutonga yukutembejani ngako chifukwa choyavya na ntima wonse pa ntchito ya Ufumu.

NSONKHANO WAPADELA

SIKULU YA AKHILISITU OLALIKILA ZA UFUMU Apainiya avyaka va pakati pa 23 na 65 amene ofuna kuingijila utumiki wawo oitiwa kuti azaŵe nawo pansonkhano wa ofuna kuloŵa Sikulu ya Akhilisitu Olalikila za Ufumu wamene uzachitike pa Sondo nzuŵa. Nthawe na malo kwauti uzachitikile nsonkhano wamene uyu vizalengezewe.