Mawu kuli onse akuti akapezekepo

ANTCHITO YOLIPELEKA Keno mufuna kuyavyako pa ntchito ziyakine pansonkhano wamene uyu, laŵilani na a Dipatimenti yothandiza ŵanthu komasoti Opanamila Antchito Olipeleka.

DIPATIMENTI YACHIPATALA Pulizi kumbukilani kuti dipatimenti yamene iyi yuyavya tyala pa vochitika va mwazizizi.

MALO ONKHALA Yeja-yejani kuganizila ayanu. Mukokumbukila kuti ŵanthu ŵamufunikila kusungila malo ni a m’banja mwanu, ŵamwawela nawo pa motoka imozi, ŵamunkhala nawo ng’anda imozi olo ŵamuphunzila nawo Baibolo. Pulizi osaika vinthu pamalo onkhala, kupatulapo keno mwasungila munthu muyakine malo amene awo.

OLONDELA ALWENDO Pasankhiwa enekwasu amene angakuyavyeni pa nsonkhano wamene uyu. Katijanani nawo pakukupasani malangizo okhuza kusungila malo ŵanthu ayakine, kayendedwe, malo opitila ŵanthu anyinji, kopanamika njinga, ma honda komasoti ma motoka.

UBATIZO Mipando ya ofuna kubatizika izaikiwe kusogolo kufupi na pulatifomu ndipo pazankhale chikwangwani cholemba kuti Ubatizo, onse akuya ku ubatizo ofunika kuzankhala pa mipando yamene iyi nkhani ya ubatizo ikaliye yamba pa Chiŵelu mmawa. Aliyense aleteletu chopukutila na vovwala voloŵela mmanzi viweme komasoti voyenelela.

VOPELEKA Olo kuti nivodula, pakonzewa makonzedwe akuti tikonkhala na malo aweme onkhala, vokujila mawu, vipangizo votambishila mavidiyo, na mautumiki ayakine anyinji amene ochitisha kuti nsonkhano ukonkhala wokondwelesha notiyavya kuvwendela pafupi na Yehova. Vopeleka vanu vamuchita mwakufuna kwanu, vuyavya pa ntchito ya pa chalo chonse. Mungapelekesoti ndalama zanu kupitila pa intaneti pa donate jw.org. Tutembeja ngako chifukwa cha vopeleka vanu. Bungwe Yutonga yukutembejani ngako chifukwa choyavya na ntima wonse pa ntchito ya Ufumu.

VOTAIKA NA VOPEZEKA Mukadoba chinthu chilichonse, mukachitwale ku Dipatimenti ya Votaika. Keno mwataya vinthu viyakine, lutani ku dipatimenti yamene iyi mukawone vinthu vanu. Mukafwana mwana waluŵila, mukamutwale ku dipatimenti yamene iyi. Komalomba dipatimenti yamene iyi niyosungilakolini ŵana, mukoŵasamalila ŵana ŵanu ndipo nthawe zonse mukonkhala nawo pafupi.