Mawu kuli onse opezekapo

ANTCHITO OLIPELEKA Keno mufuna kuyavyako pa ntchito ziyakine pa nsonkhano uno, laŵilani na a Dipatimenti yothandiza ŵanthu komasoti Opanamila Antchito Olipeleka.

DIPATIMENTI YACHIPATALA Pulizi kumbukilani kuti dipatimenti yamene iyi yuyavya tyala pa vochitika va mwazizizi.

MALO ONKHALA Pulizi yeja-yejani kuganizila ayanu. Mukokumbukila kuti ŵanthu ŵamufunikila kusungila malo ni a m’banja mwanu, amwawela nawo pa motoka imozi, ŵamunkhala nawo ng’anda imozi olo ŵamuphunzila nawo Baibolo. Pulizi osaika vinthu pa malo onkhala, kupatulapo keno mwasungila munthu muyakine malo amene awo.

OLONDELA ALWENDO Olondela alwendo aikiwapo kuti akuyavyeni. Pulizi konkhejani malangizo ŵangakuujeni ponena za malo aweme opanamikapo ma motoka, njinga, ma honda, njila zokatishila ntchito poloŵa na pofuma pa malo a m’sonkhano, pankhani yosunga malo onkhala komasoti malo oikapo vinthu viyakine.

UBATIZO Ŵanthu akonzekela kubatiziwa ofunika kunkhala pa mipando yakusogolo yaŵaikila. Ŵanthu amene awo ofunika kuzankhala pa mipando yamene iyi, pa Chiŵelu mmawa nkhani ya ubatizo ikaliye yamba. Aliyense ofunika kuleta chopukutila manzi na vovwala voyenelela.

VOPELEKA Pofunika ndalama zinyinji kuti tinkhale na malo aweme ochitila nsonkhano, tinkhale na vokujila mawu, vipangizo vowoneshela mavidiyo, komasoti vinthu viyakine vingayavye kuti nsonkhano wamene uyu unkhale wokondwelesha komasoti kuti utiyavye kutang’isha ushamwali wasu na Yehova. Ndalama zamungapeleke mwakufuna kwanu pa nsonkhano uno, ziyavye kulipila vinthu vamene ivi komasoti ziyavye pa ntchito ya pachalo chonse. Ma bokosi olembewa luweme ŵamungaponyemo vopeleka vanu, aikiwa mmalo osiyana-siyana pa nsonkhano uno. Mungapeleke soti ndalama zanu pa intaneti kupitila pa donate.jw.org. Tutembeja ngako chifukwa cha vopeleka vanu. Bungwe Yutonga yukutembejani ngako chifukwa choyavya na ntima wonse pa ntchito ya Ufumu.

VOTAIKA NA VOPEZEKA Mukadoba chinthu chilichonse, mukachitwale ku Dipatimenti ya Votaika. Keno mwataya vinthu viyakine lutani ku dipatimenti yamene iyi kuti mukawone vinthu vanu. Mukafwana mwana waluŵila, mukamutwale ku dipatimenti yamene iyi. Koma lomba dipatimenti yamene iyi niyosungilakolini ŵana, mukoŵasamalila ŵana ndipo nthawe zonse mukonkhala nawo pamozi.