Achiŵeta amene ochitila vinthu viweme ŵanthu a Yehova

Ŵanthu anyinji oŵadalilalini ŵanthu amene ali na maudindo. Sewo tuziŵa chifukwa chake. Ŵanthu ankhala okatishila ntchito ulamulilo wawo mophoniyeka kuti afwane pindu. (Mik 7:3) Sewo tutembeja ngako kuti akulu mu mpingo ophunzisiwa mwangakatishile ntchito udindo wawo poyavya ŵanthu a Yehova. —Est 10:3; Mt 20:25, 26.

Akulu ni osiyana na olamulila ali muli ichi chalo. Ove okata ntchito yawo yoyang’anila chifukwa chakuti okonda Yehova na ŵanthu ŵake. (Yoh 21:16; 1Pe 5:1-3) Mosogolelewa na Yesu, achiŵeta amene aŵa oyavya wofalisa aliyense kulimvwa kuti ali nkati mwa banja yapachalo chonse ya ŵanthu amene olambila Yehova, komasoti kunkhala naye pa ushamwali uweme. Ove opeleka thandizo yauzimu mokulumija kuli mbelele za Yehova, noyavya pakachitika ngozi za mwa zizizi kapena masoka achilengedwe. Keno mufuna thandizo, nkhalani omasuka kulaŵila na nkulu wa mu mpingo mwanu.—Yak 5:14.

LOLELANI VIDIYO YAKUTI ACHIŴETA AMENE OSAMALILA GULU YA MBELELE, PAVULI PAKE YANKHANI MAKONSHO AŴA OKONKHAPO:

• Kansi Maliana epindula tyani na thandizo yechipeleka akulu?

  Yankho yanu

• Kansi Elias epindula tyani na thandizo yechipeleka akulu?

  Yankho yanu

• Pavuli pololela vidiyo yamene iyi, kansi mwewo mukumvwa tyani na ntchito yakukata akulu?

  Yankho yanu