Mukoyavya ophunzila Baibolo ŵanu kuti aleke kukatijana na ŵanthu aipa

Kuti ankhale pa ushamwali na Yehova, ophunzila Baibolo ofunika kusankha azishamwali aweme. (Sl 15:1, 4) Kunkhala na azishamwali aweme kungaŵayavye kuti akochita vinthu viweme.—Miy 13:20; lff-CN mutu 48.

Kuti muyavye ophunzila Baibolo ŵanu kuti akopewa kukatijana na ŵanthu aipa, mufunika kuchita vinthu mwachifundo. Ove angavutike kuti aleke kukatijana na azishamwali ŵawo muli ichi chalo. Tetyo, mukowonesha kuti muŵakonda olo pa masiku ŵala ŵamusaphunzila nawo. Ivi vingapamikijepo kuŵalembela mesedji, kuŵatumila foni, olo kuŵanyungila. Kuti ophunzila ŵanu apite pasogolo, mufunika kuŵalimbikisa kuti akochita ushamwali na ŵanthu a Mulungu. Kupita kwa nthawe ove akwanishe kuwona kuti opindula ngako soti ndipo oluzalini. (Mko 10:29, 30) Mwewo namwe mukosangalala powona kuti banja ya Yehova yukula.

LOLELANI VIDIYO YAKUTI MUZITHANDIZA AMENE MUKUPHUNZIRA NAWO BAIBULO KUTI ASAMACHEZE NDI ANTHU OLAKWIKA, NDIPO PAVULI PAKE YANKHANI MAKONSHO AŴA:

• Kansi kukatijana na ŵanthu aipa n’kuipa tyani?—1Ak 15:33

• Kansi Jade enzeganiza kuti macheza a Chikhilisitu angankhale aweme tyani?

• Kansi Neeta emuyavya tyani Jade kuti aleke kukatijana na azishamwali aipa?