September

Ayitsano mešupetso yo Jehova le Jeso ba re beyeleng yona ka mmereko yi rela gore re fo bereka re sa khutsi? Awwa. Jehova aa khutsi ka taba la gore aa tinwi. Baebele yi re mo Jehova a fetsa go maka legedimo le lefase o yye a “khutsa.” (Ek. 31:17) Mara, yi rela gore o yye a yema gore a thogo bona dilo tsa go bafala tso a di makiyeng. Jeso o yye a bereka ka matla nakwela a sa le ho lefaseng, mara ne a kraya nako ya go khutsa le go tijabodisa le banghana bage. (Mat. 14:13; Luk. 7:34) Modimo o hlohletsela batho bage gore ba jabolelele mmereko wa bona. Malata yage di nyaka ma karakare ma sa tshwate. (Diy. 15:19) Le wene o ka fo ba o bereka gore o thogo pasopa ba mutši wago. Fote malata ya Kreste ka mokana ga wona di nyaka ma tšhomayele ditaba tsa go bafala. Mara le go khutsa gabutši gwa nyakega. w19.12 2 ¶2; 3 ¶4-5

O sa kwane le tsa go hlayisa ditori tsa go bolabola ka madimona. Di nyaka re ye mahlong re yekisela ka mokgo Jeso ne a maka dilo ka gona. Nakwela Jeso a soko bane a tla ho lefaseng ke mo a ba tšiba gabutši Sathane le madimona yage. Mara a sanka a dulela go bolabola ka bona le ka tso ba di makiyeng. Jeso ke mo a nyaka go bereka tso Jehova a mo rommeng tsona, a sa nyake go ba a kene a sabalatsa ditaba ka Sathane. Le rune re ka kopisela ga Jeso, re sa sabalatse ditaba tsa go bolabola ka madimona. Tso re di bolabolang ke tsona di šupetsang gore ‘dipelo tsa rune di tlele ka selo sa gabutši,’ yona nnete. (Pis. 45:1) A di nyake re tshosa ke madimona. Dilo tsa go befa di ka re makegela ka taba la gore re phela ga lefase la go baba. Dikotsi, malwele kela likgu a di layelele. Mara a di nyake re napa re tseya gore madimona ke wona ma re leyelang dilo tsowa ka moka. Baebele ya hlaya gore “nako le dilo tso re sa di yemelang” di ka tlela ye mongwana le ye mongwana. (Mmo. 9:11) Mo re bolabola ka matšhika, Jehova o ma feta kgole madimona. w19.04 23-24 ¶13-14

Nje bagolo baa wo latelela molawo wa mmušo wa go tl’laga motho wa gore o hlorisiye ngwananyana? Eya. Bagolo ba dipolekeng tsa gore go na le molawo wowa ba leketsa ka matla gore ba latelele molawo wa mmušo wa gore mo motho a hlorisiye ngwana ba mo tl’lage. Melawo yone a yi ganetsane le molawo wa Modimo. (Meber. 5:28, 29) Mo bagolo ba ka fo di kwelela gore mogageru ye mongwana o di makiye tsotsone tsa go hlorisa ngwana, ba yakgoswa ba nyakana le mayele ya gore ba ka latela melawo byang gore taba yone yi bigiwe. Bagolo ba re batho bo ba hlorisiwweng, babelegi ba bona le ba bangwana bo ba tšibang ka taba yone ba sa tšhabe go tl’laga bo ba makiyeng taba yowa ya go hlorisa bana ga bo ba go lawola ba mmušo. Byalo re nyoko re king mo taba yone yi makiye ke mogageru ka ho phutegong ke mokane wa kraya yi šele yi tlele le poleke? Nje Mokreste ye a bigiyeng taba yone o tshwanele a hlupege gore nakwenngwana ke yene a makiyeng gore lebitso la Modimo le sinyege? Dhoo. Ye a sinnyeng ke yene a poyilang lebitso la Modimo. w19.05 10 ¶13-14

Baebele yi botsa monna le mosadi gore ba hlompanane fote ba hlompe le tso ba tshepisanneng tsona nakwela ba nyalana. Fote yi botsa bo ba nyalanneng gore ba mamarelane, yi re: “Monna o nyoko šiya papage le mmane wage a mamarelana le mosadi wage, fote ba nyoko ba nama ka yyoši.” (Gen. 2:24) Atšiya, batho ba gore ba latelela tso di hlayang ke lefase lowa, ba re monna kela mosadi a timakele tso yene a di nyakang. Puku ye nngwana ya go bolabola ka go hlala yi re “menyanyeng ye mengwana go yye gwa fetodiwa mantsu yala ya gore ‘solanka nna-nago re sa na re phela,’ ke mokane sekaleng sa wona ba tšhela mantsu ya go šupetsa gore ba ka fo sa duli ggoši lephelo la bona ka moka, ba re ‘solanka ka babedi ga rune re sa na re nyakanana.’” Mantsu yane ya go tseya lenyalo ka mokgwa wa gore a yi wona ke wona ma makang gore mitši ya go tlala yi šaše fote ma kwisiye ba go tlala go baba. Nnete di fo ba lekgwaying gore ka mokgo batho ba lefase lowa ba tseyang taba ya lenyalo ka gona ke bophokophoko. w19.05 23 ¶12

Pawulo ke mo a hlupa ke gore Makreste ya mangwana ke mo ma šele ma woka ke menagano ya go bola le dilo tso batho ba di tšhutisang tsa go fo tikhandela tsa lefase la Sathane. (Maef. 4:17-19) Tsotsone di ka makegela ye mongwana le ye mongwana ho ga rune. Sathane ke yene modimo wa lefase lowa, byalo o di wonngwe ka matla tsa go re tlosa thina ga Jehova ka go berekisa mathayithayi ya mehlobohlobo. Ya mangwana ya gona ke ya go lelekisana le go nyaka go tšibega kela go tipeya mayemong ya gedimo. A ka berekisa taba ya gore re gudiye byang, setšo sa rune ke sa mohlobo mang kela gore re tšhutegiye go segela kaye gore a thogo re woka ke mokane re nagane go tshwana naye. Ayitsano di ya kgonega go nyekula “dilo tso di tsikiyeng” ka ho menaganong ya rune? (2 Makor. 10:4) Theetsela gore Pawulo o re king: “Re nyekula menagano ka mokana ga yona le selo se sengwana le se sengwana sa gore se ku malenghelengheng sa go phigisana le go tšiba Modimo, fote re maka gore menagano ya rune yi theetsele Kreste.” (2 Makor. 10:5) Nnete ke gore Jehova a ka re gelepa gore re hlule menagano ya go kekema. w19.06 8 ¶1-3

Le mo malata yawa, Hanna, Dafita le mopisalema ma yye ma kgongwela ka matla, ma yye ma tikokotlela ka Jehova gore a ma gelepe. Ma yye ma rapela di ma baba, ma mmotsa dilo ka mokana ga tsona tso ne di ma phiriketsa. Ne ma sa tšhabe go mmotsa dilo tso ne di ma kgongwetsa ka matla. Ke mo ma sa lesetse go ya mo Jehova ne a rapediwa gona. (1 Sam. 1:9, 10; Pis. 55:22; 73:17; 122:1) Jehova o yye a šupetsa gore o ba kwela go baba, a ba fetola ka mokana ga bona. Hanna o yye a fo kwa a bebiye. (1 Sam. 1:18) Dafita o ngwadiye gore: “Mehlupego ya motho wa go loka yi tlele ka matla, mara Jehova o mo phonisa ga yona ka moka.” (Pis. 34:19) Mopisalema o yye a di kwa gore Jehova “o mo tshwere ka letsogo la go ja,” fote o šupetsa gore wa mo nyaka ka go mo yetetsa. (Pis. 73:23, 24) Re tšhuta ying ga ditaba tsowa? Ka nakwenngwana mathatha yawa ma ko fo ba ma kene ma re kgahleletsa. Mara re ka di kgona go lwa le mathatha yawa mo re ka fo ghayela ka mokgo Jehova a yyeng a gelepa batho ba bangwana, ra tikokotlela ka yene ka go rapelo le go maka dilo ka mokana ga tsona tso a di nyakang.—Pis. 143:1, 4-8. w19.06 17 ¶14-15

Re sa tšebisi ke tso batho ba di bolabolang ka rune le tso ba di makang tsa go šupetsa gore baa re poyila ka taba la mo re le Dihlatse tsa Jehova. (Mika. 4:5) Mo re ka fo lebelela ga tso mapostola ma di makiyeng ku Jerusalema ka nthago ga likgu la Jeso, re nyoko tšhuta gore re ka maka byang ga taba ya go tšhaba batho. Mapostola yawa ke mo ma di tšiba gabutši gore bo ba go yeta sedumedi mahlong ba Majuda ba ma hloyye go segela kaye. (Meber. 5:17, 18, 27, 28) Mara, ma yye ma fo ya tempeleng ka moka matšatši ma tipolabola gore ke wona malata ya Jeso. (Meber. 5:42) A sanka ma lesetsa go tšhaba batho go ma phiriketsanya. Le rune re ka tipolabola ho bathong gore ke rune Dihlatse tsa Jehova, mo re le mmerekong, sekolo le ho malayining. (Meber. 4:29; Mrm 1:16) Mapostola ke mo ma jabodisiye king? Ke mo ma jabodisiye ke gore ba ma hloyye fote sone ke mo ma se tseya go le selo se segolo ka taba la gore ke mo ba ma hloyele gore ma maka tso Jehova a di nyakang. (Luk. 6:23; Meber. 5:41; 1 Pet. 2:19-21) Mo re di tšiba gore re hloyiwa ka taba la gore re maka tsa go loka, re ka sa lesetse lehloyo la batho le re lelemetsa. w19.07 7 ¶19-20

Jeso le bo ba mo latelelang ba gore ke Majuda ne ba khutsa ka letšatši la Sabatha, ka taba la gore ka nako yone Molawo wa Moše ne wo sa bereka. Tso Jeso a di makiyeng le ka mokgo ne a bolabola ka gona ka letšatši la Sabatha, ne di šupetsa gore batho ba ka makela ba bangwana dilo tsa go šupetsa gore ba kwelana go baba le go gelepa ba bangwana ka letšatši lone. (Mat. 12:9-11.) Ne a sa tseyi gore motho o lwa le molawo mo a maka selo sa go bafala kela a gelepa ye mongwana ka Sabatha. Ka mokgo Jeso a makiyeng dilo ka gona di šupetsa gore ne a kwisisa gabutši letšatši lowa la Modimo la go khutsa. Ka letšatši lone ne ba khutsa ga mmereko wa ka moka matšatši, sosone ne se maka gore ba thogo maka dilo tsa Modimo. Di šupa nkare ga bo Jeso ne ba berekisa letšatši la Sabatha go maka tso tsa Modimo. Sone re se tšiba ka gore Baebele yi bolabodiye ka nakwela a le Nazaretha gore: “Ka letšatši la Sabatha [Jeso] ne a tlwayele go ya sinagogeng, mo a segele hone ne a tlogamela ke mokane a bala.” (Luk. 4:15-19) Fote malata ya Jeso ne ma le tseyela gedimo letšatši lowa la Sabatha, ma yye ma yemisa le go lukiselela go mmoloka ka taba la lona letšatši lowa.—Luk. 23:55,56. w19.12 4 ¶10

Mokreste ye mongwana le ye mongwana o tšhela letsogo ga mmereko wa go nyaka batho ba dipelo tsa go loka. Taba yowa re ka yi tshwanisa le go nyaka sengwananyana sa gore se lahlegiye. Ka mokgo mang? Nagana ka taba ye nngwana ke yowa ya gore yi makegiye, sengwananyana se sengwana sa go ba le 3 ya mongwaga se yye sa lahlega se sa sa tšiba pata ya go boyela gaye. Go yye gwa tšwa letsima la batho ba go teya gana hala ga 500, ba tsama ba se nyaka. Ka nthago ga 20 ya diawara se lahlegiye, ye mongwana o yye a se kraya tšhomong ya mabele. Byalo, mo ba mo thanaka, o yye a gana. O yitseri: “Sengwananyana sowa se krayye ke batho ba go tlala, a yi nna ke ntoši.” Batho ba go tlala ba tshwana le sengwanenyana sone. Ba fo kwa nkare ba lahlegiye. Ba nyaka go gelepiwa ka taba la gore a ba na tshepo. Rune ba go teya ka ku ga 8 ya dimiliyoni re leketsa ka matla gore re nyakane le ba dipelo tsa go loka. Di ka makega gore o sa kraye motho wa go tšhuta naye Baebele. Mara, o ka kraya ba bangwana bo ba berekang tšhomo yone o yi berekang ba krayye batho ba go nyaka go tšhuta nnete ya Baebele. Mo mogageru ye mongwana a kraya motho wa gore go feleletsa go le lelata la Kreste, re jabola ka mokana ga rune bo re tšhediyeng letsogo ga mmereko wa go nyakana le ba dipelo tsa gabutši. w19.07 16-17 ¶9-10

Pawulo wa lepostola o butsiye Makreste ya Filipi gore ma sa šepisi mo ma kene ma taboga. Phutego yone yi hlorisiwwe go tlugisela hala yi ba gona. Pawulo le Siliyase ba yye ba theetsela mantsu ya Modimo ya gore ba “tlolele Masedoniya,” ke mokane ba segela Filipi ka 50 C.E. (Meber. 16:9) Mo ba segela gana ku, ba krayye mmane ye mongwana ye ba reng ke Lidiya wa gore “ke mo a theetsele, fote Jehova a bula pelo yage ka matla” gore a kwe ditaba tsa go bafala. (Meber. 16:14) O yye a fetsa ka go kolobetsiwa le ba mutši wage. Mara Diyabolo aa mo lesetsa. Ba go lawola mone polekeng ba yye ba gogoyisa Pawulo le Siliyase ba ba yisa ga mejistreyiti ke mokane ba ba thomela matsaka ya gore baa hlupa. Sosone se makiye gore Pawulo le Siliyase ba teyiwe go baba, ba tshwariwe, ba boye ba ba yise jele, ke mokane ba ba botsa gore ba tloge hone nageng. (Meber. 16:16- 40) Ayitsano ba yye ba šepisa? Le ka go nyana! Byalo magageru ya phutego ya gore a yi botala yi le gona ma yye ma maka byang? Sa go jabodisa ke gore le bona ba yye ba tiyisela. Di fo šupetsa gore batho ba phutego yone ba yye ba tiyisa ke tso Pawulo le Siliyase ba yyeng ba feta ga tsona. w19.08 2 ¶1-2

Di fo ba lekgwaying gore mo go bolabodiwa ka ‘diyengwa tsa go loka,’ tsotsone di rela gore ga Jehova le batho bage re ba nyaka ka matla. Gana mone go kena le taba ya go botsa batho ka go dumela ga Jeso le ka tso di nyoko makegang ku mahlong. Re ba le “diyengwa tsa go loka” mo re karakara ka matla ga mmereko wo mogolo wa go maka batho malata. (Mat. 28:18-20) Le mo go ka fo ba go le byang, re nyoko khanya go tshwana le malampa. Ka dinako tse dingwana dilo tso di šupetsang nkare di nyoko re phiriketsa gore re sa tšhomayele ditaba tsa go bafala, go ka ba tsona di re thulelang mašuba ya go tšhomayela. Mo re beyisa, di ka fo makega gore Pawulo wa lepostola mo a šinya a ngwalela Mafilipi lengwalo, ke mo ba mo tshwere ba mo kwalele ka ntlong hala Roma. Le mo a kene a le jele, a sanka a lesetsa go tšhomayelela bo matšinghilane le bo ne ba mo vakašela. Pawulo o yye a tšhomayela ka matšato ga seyemo sa mohlobo wonone, ke mokane sosone sa tiyisa ba phutego ya ku Filipi “gore ba bolabole ka lentsu la Modimo ba sa hlagasele.”—Mafil. 1:12-14; 4:22. w19.08 12 ¶15-16

Se segolo ka matla so se makang gore re tinyanafatse ke gore tsotsone di jabodisa Jehova. Petro wa lepostola o f’lo yi beya lekgwaying taba yowa mo a ngwala mantsu ya Lengwalo la lekgono. Puku ya gore “Tlaa o be Molatedi Waka” mo yi šihlela mantsu ya Petro ga tema 3, temanyana 23 yi re: “Go ba le magetla go tshwana le tšhefu. Go ka re kwaletsa. Mokgwa wone wo ka maka gore le motho wa go tšiba dilo ka matla a sa be selo ga Modimo ka taba la magetla yane yage. Go tinyanafatsa go ka maka gore le motho wa gore mo o mo lebelele o bona nkare a yi selo, a berekisege ga Jehova. . . . Fote Jehova o nyoko jabolela go go rufa ka taba la mo o tinyanafatsiye.” Mo re ka maka gore Jehova a jabole, ayitsano re ko ba re makiye selo se segolo ka matla? (Diy. 23:15) Mo re tinyanafatsa, re jabodisa Jehova fote le rune di ya re berekela. Taba yone yi nyoko maka gore le batho ba bangwana ba nyake go ba le rune. Mo o nyaka go kwisisa taba yowa, leketsa go tipeya seyemong sa batho ba bangwana.—Mat. 7:12. w19.09 4 ¶8-9

Bagolo ba karakara ka matla gore ba thogo gelepa magageru. Mmereko wa bona a wo ba make gore ba be le magetla. Ba tshwara phutego gabutši ka matla. (1 Mathes. 2:7, 8) Ba ma nyaka ka matla ga magageru fote ba tinyanafatsiye, tsotsone di napa di ro kwala mo ba bolabola le batho ba bangwana. Andrew, wa gore ke botala go le mogolo, o re: “Ke di bonne gore magageru ya banna le basadi ba jabodisa ke mogolo wa gore o ba tshwara gabutši, wa gore ke motho wa batho. Mekgwa ya go tshwana le yowa yi maka gore phutego yi berekisane le bagolo.” Mogageru ye mongwana wa gore ke botala go le mogolo ye ba reng ke Tony, le yene o re: “Ke leketsa ka matla go maka so se leng ga lengwalo la Mafilipi 2:3 fote ke dumela gore ba bangwana ba ka kgakala gaka. Sosone se n’gelepiye gore ke sa be le magetla. Di nyaka bagolo ba tinyanafatse go fo tshwana le Jehova. Le mo Jehova go le yene ye a lawolang dilo ka mokana ga tsona, “wa tsotsomala” gore a thogo “tsosa ba go tihlupegela mo ba le leroleng.” (Pis. 18:35; 113:6, 7) Gabutšibutši Jehova o silikisa ke batho ba magetla. w19.09 16-17 ¶11-12

Lejoko la Jeso le nyoko re yimulla mo re dula re na le mmono wa gabutši ka mmereko wo Modimo a re neyyeng wona. Re maka mmereko wa Jehova, byalo di nyaka re wo make ka mokgo Jehova a nyakang. Rune re fo ba dibereki, mara Mong wa mmereko wowa ke Jehova. (Luk. 17:10) Mo re ka fo maka mmereko wowa ka mokgo rune re nyakang, re nyoko tikraya re šele re thathafela ke go šikara lejoko lowa. Le rune mo re ka fo maka mmereko wa Jehova go ya ka mokgo yene a nyakang, re nyoko maka le dilo tse dingwana tsa gore le rune beng di nyoko re makatsa. O sa lebale phela gore aa šiyo ye a ka mo thibang mo a nyaka go maka se sengwana! (Mrm. 8:31; 1 Joh. 4:4) So re nyakang go tipona re se segelele ke go thanakisa Papa wa rune wa gore o re nyaka ka matla, Jehova. Batho ba dinakong tsa Jeso ba gore ke mo ba na le dipawo ba yye ba feleletsa ba sa sa jabodiye fote ba lahla lejoko la Jeso. (Joh. 6:25-27, 51, 60, 66; Mafil. 3:18, 19) Mara bo ba gore ke mo ba kwa ba tšhofa ke gore ga Modimo ba mo nyaka ka matla fote ba nyaka le bayagelani, ba yye ba rwala lejoko lone lephelo la bona ka mokana ga lona la ho ba sa le ho lefaseng, mara ba kene ba tšiba gore ba ye bereka le Kreste ku legedimong. Le rune re nyoko dula re jabodiye go tshwana nabo mo re kene re rwele lejoko la Jeso, re na le so re nyakang go se segelela. w19.09 20 ¶1; 24-25 ¶19-20

Nagana ka dilo tso o di jabolelang ka taba la gore o lokologiye ga dilo tsa matsaka tso batho ba tšhutisiwang tsona. Go lokologa ga mošaga wone gwa jabodisa wa tšiba! Go lokologa tsa mannete go nyoko segela. Go se botala, Jeso o nyoko fetsa ka dikereke tsa matsaka le memmušo ya go tlala mathayithayi. Modimo o nyoko tšhireletsa “ba mogoba wo mogolo” ba gore baa mmerekela ke mokane ba jabolele dilo tso a nyoko ba rufang ka tsona pharadeyising ya ho lefaseng. (Kut. 7:9, 14) Batho ba go tlala ba ko ba ba tsusiwwe fote ba lokolliwwe ga taba ya senyama sa gore re se krayye ga Adamo. (Meber. 24:15) Ka 1 000 ya Mengwaga ya go Lawola, Jeso le bo a lawolang nabo ba nyoko tsosa bo ba kgwileng gore ba phele lephelo la go yenela le gore batho ba be le senghana sa gabutši le Modimo. Nako yowa ya go lukisa dilo le ya gore go be le go lokologa, yi nyoko ba nkare ke Jubhili ya ku Israyele. Sosone se ra gore ka mokana ga bona bo ba berekelang Jehova ka go tshepega ba nyoko yenela gabutši ho mmeleng, fote ba ka sa ro sinya. w19.12 12-13 ¶14-16

Ka dinako tsa mapostola, monna ye mongwana wa gore aa konane ye ba reng ke Josefa (wa gore moloko wage ke Bharenabhase) ke mo a di nyaka tsa gore Jehova a mmerekise. (Meber. 4:36, 37) Mo Sawulo go šele go le Mokreste, magageru ya go tlala ke mo ma mo tšhaba ka matla ka taba la gore ke mo a tumme go le motho wa go hlorisa diphutego. Mara, Sawulo o yye a gelepa ke Bharenabhase yewa wa go ba le pelo ya go bafala. (Meber. 9:21, 26-28) Ka nthago, bagolo ba hala Jerusalema ba yye ba di bona gore di nyaka ba tiyise magageru ya gore ma tšwa Anthiyoko ya ku Siriya. Ba romme mang? Bharenabhase! Ba kgetiye gabutši wa tšiba. Ditaba di re Bharenabhase “o yye a napa a ba tiyisa ka mokana ga bona gore ba ye mahlong ka dilo tsa Morena di kene di ba baba.” (Meber. 11:22-24) Jehova le rune a ka re gelepa gore re tshwane le “morwayi wa go kgomoletsana” ga Makreste ya re gahlanelang nawo. Mo re beyisa, a ka go berekisa gore o kgomoletse motho wa gore o hlokofalele ke wa gabo kela lešaga. Kela a ka fo maka gore o kwe o nabela go vakaša kela go fowunela motho wa gore wa lwala kela wa gore o na le tso di mo šekedisang. Nje o ko mo lesetsa ga Jehova gore a go berekise go tshwana le ka mokgo a yyeng a berekisa Bharenabhase?—1 Mathes. 5:14. w19.10 22 ¶8

Ka dinako tse dingwana mo re kene re bereka ggoši le banghana ba rune, re ka sa bone tsa gabutši fela tso ba di makang mara re nyoko bona le mo ba kekemisang gona. Re ka gelepa king gore re sa fo dulela go lebelela tso banghana ba rune ba sa di makeng gabutši? Mo re ya nneteng, magageru ma ka sa duli ma maka dilo gabutši. Byalo, mo re ka ba le senghana sa thina nabo, di nyaka re karakare gore senghana sone se sa šehle. Mo banghana ba rune ba ka sinya, di nyaka re ba yeletse gabutši re berekisa Baebele. (Pis. 141:5) Fote mo ba ka re kwisa go baba di nyaka re ba tshwarele. Mo re ba tshwarele di nyaka re pasope gore re sa bolabole ka taba yone letšatši le lengwana. Nkare re ka lebelela tsa go bafala fela ga magageru ga dinako tsa go sasamela tso re phelang ga tsona! Mo re maka ka mokgo, senghane sa rune nabo se nyoko tiya fote ka nako ya motšhatšhamelo wo mogolo re nyoko ba hloka. w19.11 6 ¶13, 16

Mo re kene re tšhutisa batho Baebele, di nyaka re leketse ka matla go ba ‘maka malata . . . , le go ba tšhutisa go tseyela hlogong dilo ka mokana ga tsona tso Jeso a re butsiyeng tsona.’ Di nyaka re gelepe batho gore ba kwisise gore ke ntaba di nyaka gore ba hlawole go berekela Jehova le go yema le Mmušo wage. Tsotsone di ra gore di nyaka re gelepe batho gore ba berekise nnete yo ba yi tšhutang mo ba kene ba phela ke mokane ba tineyele ga Jehova fote ba kolobetsiwe. Mo ba maka ka mokgonone, ba ko thogo phona mo go segela letšatši la Jehova. (1 Pet. 3:21) Nako yo yi šeleng ke ye nyana ka matla, ya gore go fele ka lefase lowa. Byalo a di nyake re sinya nako re tšhutisa batho ba gore a ba tišupi ba nyaka go ba malata ya Kreste. (1 Makor. 9:26) Phela a go sa na nako! Mara, go sa na le batho ba go tlala ba go nyaka go kwa molayetsa wa Mmušo nako yi soko bane yi fela. w19.10 11-12 ¶14-15

Mongwaga wo mongwana le wo mongwana ka Letšatši la go Tiyisa Senghana le Modimo, setšhaba sa Maisrayele ke mo se hlakana ggoši ke mokane se maka dihlabelo ka dipholwane. Dihlabelo tsone ke mo di gopotsa bo ba Maisrayele gore ke mo ba tshwanele ba yedisiwe ga tso ba di sinnyeng! Moprista ye mogolo ne a thomisa ka go tšhubelela dilo tsa go maka gore go nkgele ka magala ke mokane ka gana hone gwa thomisa go nkgela. Re tšhuta ying ga taba yowa? Baebele yi re merapelo ya gore Jehova wa yi theetsela ya gore yi makiwa ke malata yage ya go tshepega, yi tshwana le dilo tsone tsa go nkgela gabutši ka matla. (Pis. 141:2; Kut. 5:8) Mo moprista ye mogolo a yisa dilo tsa go nkgela mahlong ga Jehova, ke mo a šupetsa gore o mo hlompa ka matla. Le rune mo re rapela Jehova, re bolabola naye ka mokgwa wa go šupetsa gore re mo hlompa ka matla. Re leboga ka matla gore ye a re Makiyeng aa re rakele gore re tle gage fote re šutele thina gage go fo tshwana le ka mokgo ngwana a makang ka gona mo a na le papage. (Jak. 4:8) O re tseya re le banghane bage! (Pis. 25:14) Tsotsone di re jabodisa ka matla fote re ka sa tsoge re nyakiye go maka selo so se sa mo jabodising. w19.11 20-21 ¶3-5

Batho ba go tlala ba mo o dulang gona, ba tseya mmereko ka mokgo mang? Matšatši yawa, batho ba bereka go baba bošego le motshegare dinageng tsa go tlala. Ga go tlala, batho ba go bereka ka matla a ba kraye nako ya go khutsa kela ya go ba le ba mutši wa bona kela ya go maka tso tsa Modimo. (Mmo. 2:23) Ka nthoko ye nngwana, ba bangwana ba gore baa tshwata go bereka ba ka maka se sengwana le se sengwana gore ba sa bereki. (Diy. 26: 13,14) Batho ba lefase lowa a ba make mmereko ka mokgo wo tshwaneleng wo makiwe ka gona, tla re boneneng gore Jehova le Jeso ba wo tseya byang. Jehova o kwana le go bereka. Jeso o yi beyye lekgwaying taba yone, mo a re: “Papa o kene o ya mahlong a bereka go segela le gana byalo, le nna nkene ke ya bereka.” (Joh. 5:17) O fo nagana ka mangeloyi ya go tlala le dinanedi tso Modimo a di makiyeng. Fote re bona le dilo tsa go tlala tsa go bafala tso Modimo a di makiyeng ho lefaseng. w19.12 2 ¶1-2

Dafita o makiye ka mokgo mang gore a be le senghana sa thina le Jehova? Dafita o tšhutiye ka Jehova ga dilo tso a di makiyeng. Nakwela Dafita a sa gola, ne a fetsa nako ya go tlala a pasopa dinku tsa papage. Di ka makega gore o thomisiye ka nako yone go ghayela ka tso Jehova a di makiyeng. Mo re beyisa, mo Dafita a lebelela dinanedi bošego, ne a sa fo di lebelela nje, ne di mo tšhutisa tse dingwana fote. a nagana ka mekgwa ya go bafala ya ye a di makiyeng. (Pis. 19:1, 2) Mo Dafita a bona ka mokgo batho ba makiwweng ka gona, o napiye a di bona gore Jehova o hlalifiye ka matla. (Pis. 139:14) Mo Dafita a ghayela ka dilo tso Jehova a di makiyeng, o tiponne a le ye monyananyana. (Pis. 139:6) Re tšhuta ying rune ga tsowa? Maka gore tšatši le lengwana le le lengwana o ghayele ka tso o di tšhutang ka Jehova ga dilo tsa go tshwana le mabhlomu, diphoolwane le batho. Mo o maka ka mokgonone o nyoko dula o tšhuta se sengwana ka Jehova letšatši le lengwana le le lengwana. (Mrm. 1:20) Fote o nyoko fo ya mahlong o kwana naye ka matla. w19.12 19-20 ¶15-17

Moše o berekisiye tso a di tšhutiyeng. Nakwela Moše a na le 40 ya mengwaga, aa nyaka go tšibega go le “morwayi wa morwediya wa Farawo” mara o kgetiye go dula le Maisrayele ya gore ke batho ba Modimo. Moše ne a se na taba le go tšibega. Le mo nkare Moše ne a tšiba gore Farawo wa gore batho ba mo tseya go le modimo o nyoko kwata, o yye a fo yema le Maisrayele ya gore ne go le mabhantiti Egepita. Tumelo ya Moše ne yi ro tiya! Moše ne a tshepa Jehova. Sosone se makiye gore senghana sa bona se ye mahlong se gola. (Diy. 3:5) Rune re tšhuta ying? Go tshwana le Moše, le rune di nyaka re segelele sepheto: Ayitsano re nyoko kgeta go berekela Modimo le go dula re na le batho bage? Ka dinako tse dingwana, di nyaka re tikone tse dingwana gore re thogo berekela Jehova, fote di ka maka gore batho ba gore a ba tšibi Jehova ba re hlupegise. Mo re ka tisamela ka Papa wa rune wa ku legedimong, o nyoko dula a re thegeletsa! w19.12 17 ¶5-6

Le mo re makiwwe ka lerole la mobu, ke rune makolwane. O fo nagana nje ka dilo tso di makang gore re dumele taba ya gore Jehova o re tseyela gedimo. O re makiye re na le mekgwa ya go tshwana le yage. (Gen. 2:7) Tsotsone di šupetsa gore o makiye gore re phale dilo ka mokana ga tsona tso a di makiyeng, a boya a re re lawole lefase le dipholwane. (Pis. 8:4-8) Le ka nthago ga gore Adamo a sinye, Jehova o yye a fo ya mahlong a kene a tseyela batho gedimo. O re tseyela gedimo ka matla la go šinya a re neya Jeso, yene Morwayi wage wa gore o mo nyaka ka matla, gore a thogo re lepolla ga taba ya go dulela go sinya. (1 Joh. 4:9, 10) Jehova o nyoko berekisa sehlabelo sa Jeso gore a tsose bo ba kgwileng ka taba la go sinya ga Adamo, “ba gore ba lukiye le ba gore a baa loka.” (Meber. 24:15) Lentsu la Modimo le re botsa gore ke rune makolwane gage, a go na taba gore re ya lwala, re ya tihlupegela kela re ya tsofala.—Meber. 10:34, 35. w20.01 15 ¶5-6

Go ya legedimong a yi taba ya gore motho o belegiwa nayo. O ro kgeta ke Modimo. (1 Mathes. 2:12) A di nyake re butsisa diputsiso tsa go ka kwisa ba bangwana go baba. Mo re beyisa, re ka sa butsisi mogageru wa mosadi wa gore monna wage o tlotsiwwe gore o tikwa byang ka taba ya gore o nyoko phela go ya go yye ho lefaseng, mo monna wage a le ku legedimong. Nnete ke gore a re kamake gore ga lefase la nyuwane, Jehova o nyoko “yenetsa so se nabelang ke se sengwana le sengwana sa gore se ya phela.” (Pis. 145:16) Re ya titšhireletsa mo re sa tseyele gedimo ka matla magageru ya gore ma tlotsiwwe, go phala ba bangwana. Ka mokgo mang? Baebele yi re botsa gore ba bangwana ba bo ba go tlotsiwa ba ka fo sa duli ba tshepega. (Mat. 25:10-12; 2 Pet. 2:20, 21) Mara mo re kganela kgole le taba ya go “nabela go ba batho ba bangwana” re ka sa šalašale batho nthago, le mo go le bo ba go tlotsiwa, ba go tuma kela ba gore ke botala ba berekela Jehova. (Juda 16) Byalo, mo di ka makega gore ba sa sa tshepega kela ba lesetsa phutego, tumelo ya rune ga Jehova yi ko fo dula yi le gona fote re ka sa ro lesetsa go mmerekela. w20.01 29 ¶9-10

Ka taba la gore ke rune ‘bana bo Jehova a ba nyakang ka matla,’ re karakara ka matla gore re mo yekisele. Re šupetsa gore re ya mo yekisela mo re kwana ka matla le batho ba bangwana, re kwelana go baba re boya re tshwarela bo ba re sinyelang. Mo bo ba gore a ba tšibi Modimo ba bona maphelelo ya rune ya gabutši, di ka fo ba tšhofa gore ba nyake go tšhuta ka yene. (1 Pet. 2:12) Babelegi ba Makreste ba tshwanele ba tshware bana ba bona ka mokgo Jehova a re tshwarang ka gona. Mo ba maka ka mokgonone, bana ba ka nyaka go nghanelana le Papa wa rune wa gore o re nyaka ka matla. Re di tšiba gabutši gore Papa wa rune wa legedimong Jehova, o phala bo papa ka mokana ga bona fote re nyaka gore batho ba bangwana ba tšibe ka yene. Mo dipelong tsa rune, re tikwa go tshwana le Kgoši Dafita wa gore o ngwadiye gore: “Ke nyoko ro kganya ka Jehova.” (Pis. 34:2) Mara re ka fo tikwa re tšeba go bolabola ka Jehova. King so se ka makang gore re be le lešiši? Mo re nagana ka mokgo Jehova a nyoko jabolang ka gona mo re bolabola ka yene le gore tsotsone di nyoko gelepa batho ba bangwana ka mokgo mang, sosone se napa se maka gore re sa hlagasele le ka go nyana. Jehova o nyoko re neya lešiši lo re le hlokang. O gelepiye magageru ya dinako tsa mapostola gore ma be le lešiši, byalo le rune o ko re gelepeng.—1 Mathes. 2:2. w20.02 11 ¶12-13

Ba go tlala bo ba balang Baebele ba feleletsa ba kolobetsiwwe. Mara, ba bangwana bo re balang nabo Baebele ba tšhaba go ba malata. Ba fo jabodisa ke go tšhuta Baebele mara a ba thogathoge gore ba thogo kolobetsiwa. Mo o na le ye o balang naye Baebele, a re kamake gore o nyaka go mo gelepa gore a berekise dilo tso a di tšhutang ke mokane a feleletse go le lelata la Kreste. Jehova o nyaka gore batho ba mmerekele ka taba la gore ba mo nyaka tsa mannete. Byalo so re nyakang go se segelela ke go gelepa bo re balang nabo gore ba kwisise gore Jehova o hlupega ka bona fote o ba nyaka ka matla. Re nyaka go ba gelepa gore ba tseye Jehova go le “papa wa ditšhuwana wa gore fote o tšhireletsa basadi ba gore ba kgwele ke banna.” (Pis. 68:5) Mo bo o balang nabo Baebele ba thomisa go di bona gore Modimo o ba nyaka ka matla, sosone se nyoko ba tikisa dipelo ke mokane le bona ba nyoko kwa ba mo nyaka ka matla ga Modimo. Byalo gelepa bo o balang nabo go kwisisa gore Modimo wa go re nyaka ka matla o nyaka gore ba kraye lephelo la go ya go yye fote o tikemisele go ba gelepa gore ba le kraye. w20.01 3 ¶7-8

Pawulo wa lepostola ke mo a tinyanafatsiye, byalo ke mo a di tšiba tsa gore wa di nyaka gore banghana bage ba mo tiyise. A sanka a hlupega ka taba ya gore ba ka fo tseya nkare wa lepelela mo a ka fo dumela go kgomoletsa ke ba bangwana nakwela di mmoyela. (Makol. 4:7-11) Mo re yamogela taba ya gore re ya di nyaka go tiyisiwa, magageru ma nyoko di jabolela ka matla tsa gore ma re tiyise. Pawulo ke mo a di tšiba tsa gore Mangwalo ma ka mo kgomoletsa. (Mrm. 15:4) Fote ma ka maka gore a hlalefe gore a thogo yema a sa thogathoge mo a gahlana le tsa go mo ghula. (2 Thim. 3:15, 16) Nakwela Pawulo a le jele la bobedi ku Roma, ke mo a fo di kwa mo mading gore o nkgela ke likgu. O yye a kgopela Thimothi gore a yakgoswe a tle gage fote a sa lebale go tla le “mangwalo ya go phutiwa.” (2 Thim. 4:6, 7, 9, 13) Ke ntaba? Ka taba la gore mangwalo yane ya go phutiwa ke mo ma na le dikopa tsa Mangwalo ya Seheberu ya gore Pawulo a ka ma berekisa mo a tšhuta Baebele a ntoši. Mo re yekisela Pawulo ka go bala Lentsu la Modimo ka moka matšatši, Jehova o nyoko berekisa Baebele gore yi make gore re kgibe le mo re ka ghulana le tsa mošaga mang. w20.02 23-24 ¶14-15

Elifase, Bhilidada le Zofa, a baa tihlupa ba leketsa go nagana gore ba ka mo gelepa byang ga Jobo. Mara ke mo ba kene ba nagana gore ba ka šupetsa Jobo ka mokgo mang gore tso a di makiyeng a yi tsona. Tse dingwana tso ba di bolabodiyeng ke mo go le tsona, mara tsa go tlala tso ba bolabodiyeng ka Jobo le ka Jehova ke mo di šupetsa gore a ba mo kwele go baba fote go se nnete. Ba yye ba yahlula Jobo go baba. (Job. 32:1-3) Jehova o yye a tikwa byang ka tso banna bo ba di bolabodiyeng? O yye a kwatela banna bowa ka bararo. Jehova o yitseri ke diphokophoko ke mokane a kgopela Jobo gore a ba rapelele. (Job. 42:7-9) Go na le dilo tso re ka di tšhutang ga tsa go kekema tso di bolabodiyeng ke Elifase, Bhilidada le Zofa. Sa mathomo, re sa yahlule magageru. (Mat. 7:2-5) Mara di nyaka re thome ka go ba theetsela gabutši re soko bolabola. Mo re maka ka mokgonone, re ko thogo kwisisa tso ba rulanang natso. (1 Pet. 3:8) Sa bobedi, mo re bolabola di nyaka re bone gore tso re di bolabolang ke nnete, o sa kraye re šele re tšhela le letswayi. (Maef. 4:25) Sa boraro, re sa lebale gore Jehova o yi tseyela hlogong taba ya gore re re king ga ba bangwana. w20.03 22-23 ¶15-16

Ga go tlala mo re yye re tšhutisa batho ka Jehova, le rune beng go ba le tso re di tšhutang. Mo re beyisa, re di bona gabutši tsa gore Jehova o kwelana go baba mo a re gelepa gore re kraye batho ba gore ba nyaka go ba banghana bage. (Joh. 6:44; Meber. 13:48) Re bona matšhika ya Lentsu la Modimo mo bo re tšhutang nabo Baebele ba tšhentšha maphelelo ya bona ka go lesetsa dilo tsa go befa tso ne ba di maka. (Makol. 3:9, 10) Mo Modimo a re botsa gatleletlele gore re ye re tšhomayelele batho, re ba tšhutise gore ba thogo phona, tsotsone di re šupetsa gore o ba lefisela pelo. (Mrm. 10:13-15) Mara le mo go le botala re berekela Jehova, a di nyake re tseyela senghana sa rune naye fase. Se sengwana so re ka se makang go šupetsa gore re tseyela senghana sa rune le Jehova gedimo, ke go bolabola naye ka thapelo. Mo batho ba dula ba bolabodisana, senghana sa bona sa tiya. Šutela thina le Jehova ka thapelo ka moka matšatši, o sa tšhabe go mmotsa ka mokgo o tikwang ka gona. w19.12 19 ¶11, 13-14

Wa tšiba taba yone ya re kgomoletsa! Ka taba la gore Jeso ke Kgoši ya Mmušo wa Modimo, o nyoko tlosa nyakanyaka ka mokana ga yona yo yi makiyeng ke Sathane le masipidiselo yawa ya dilo. (Jes. 65:17; 1 Joh. 3:8; Kut. 21:3, 4) Phela taba yo yi jabodisa ka matla wa tšiba! Mmereko wo Jeso a re nyyeng wona a wo lula, mara yene wa re gelepa fote o na le rune mo re kene re phela gana ho ga dinako tsa mafelelo. (Mat. 28:19, 20) Taba yo yi maka gore re šišimale! Dilo tso di makang gore re dule re bebiye ho monaganong ke go fo kwa re yimulugiye fote re na le tshepo le lešiši. O ka maka byang gore o dule o bebiye le mo go na le tsa go go ghula lela la go sa hlayisege? O ka maka tsotsone ka go yekisela tso Jeso a di makiyeng. Sa mathomo, rapela fote o sa boye o ro lesetsa. Sa bobedi, theetsela Jehova, o be le matšato mo o kene o tšhomayela, le mo ka dinako tse dingwana go se lula. Sa boraro ke gore mo o na le tso di go hlupang, o kgopele banghana bago ba go gelepe. Ke mokane go beba ga Modimo go nyoko go tiyisa ho pelong le ho monaganong. (Mafil. 4:6, 7) Ke mokane le wene o nyoko fo teya o feta ga tso di leketsang go go phiriketsa, go fo tshwana le Jeso.—Joh. 16:33. w19.04 13 ¶16-17