July

Mo re na le senghana sa go tiya le Jeso merapelo ya rune yi nyoko fetodiwa. Sowa a se fo rela go bitsa “lebitso la Jeso” mo re rapela. Di nyaka re di tšibe tsa gore Jehova o berekisa Jeso gore a thogo fetola merapelo ya rune. Jeso o botsiye mapostola yage gore: “dilo ka mokana ga tsona tso le di kgopelang ka lebitso laka, nko di makeng.” (Joh. 14:13) Le mo Jehova go le yene ye a theetselang le go fetola merapelo ya rune, mara o beyye Jeso gore go be yene ye a makang gore dipheto tso a di segeleleng di makege. Byalo, mo Modimo a soko fetola merapelo ya rune, o thoma ka go lebelela gore ayitsano re berekisiye tšhiko yo Jeso a re neyyeng yona, ya go tshwarela ba bangwana. Mo re beyisa Jeso o yitseri: “Ka gore mo le tshwarela batho mo ba le sinyele, le Papa wa lune wa legedimong o nyoko le tshwarela; mara mo le sa tshwarele batho mo ba sinnye, le Papa wa lune a ka sa le tshwarele mo le sinnye.” (Mat. 6:14, 15) Taba yowa ya go tshwara ba bangwana gabutši go fo tshwana le ka mokgo Jehova le Jeso ba re tshwarang ka gona di nyaka re yi tseyele gedimo ka matla! w20.04 22 ¶6

Pawulo wa lepostola o yye a leketsa ka matla gore a tšibe dilo tso di jabodisang batho bo a bolabolang nabo, ke mokane a maka gore matšhomayelelo yage ma tshwanele batho bone. Mo re beyisa, mogoba wo ne a bolabola nawo ku Listara ke mo wo tšiba ka go nyana kela wo sa tšibi selo ka Mangwalo. Byalo Pawulo o yye a bolabola le bona ka dilo tso ba di tšibang. O bolabodiye nabo ka taba ya gore mo di ba sepelela gabutši ku mašemong le go kgona go maka gore lephelo le jabodise. O berekisiye mantsu kela mešupetso ya gore bo ba mo theetseleng, di ka ba lula gore ba ma kwisise. Leketsa ka matla go nyaka go tšiba dilo tso batho ba tšhomo yo le yi berekang ba di jabolelang ke mokane o tšhentšhatšhentšhe matšhomayelelo yago. O ka kgona go di tšiba byang gore motho o jabolela ying mo o kene o ya hala gage kela mutšing wage? Ntsha maahlo dikwakweng. A ka fo ba a bereka n’ghati yage, a bala puku, a lukisa koloyi kela a maka se sengwana. Mo nkare o ko ba o sa sinyi selo, ke ntaba o sa berekisi tsotsone gore o thome polabodisano? (Joh. 4:7) Phela tso motho a di yapereng, di ka go botsa se sengwana ka yene—di ka go botsa gore o tšwa kaye, o bereka ying kela o kwana le mekgano ya mošaga mang. w20.04 11 ¶11-12

Ka taba la mošekelo wa go sa fele magageru ya mangwana ma ka kwa ma titšhoga kela ma sa titshepe mo ma tshwanele ma be le batho ba bangwana. Ma ka kwa di roba go gahlana le batho ba go tlala mara a ma lofe megahlano, megahlano ye megolonyana le ga ye megolo. Ma kwa di thathafa go bolabola le batho ba gore a ba ba tšibi mara tšhomong maa bolabola. Mo nkare le gago go ka mokgonone, di tšibe gore a o ntoši. Ba go hlakana le tsa mošaga wonone ba tlele ka matla. O sa lebale gore mo o kene o karakara ka matla tsotsone di jabodisa Jehova. Taba yago ya go sa šepisi yi šupetsa gabutši gore o kene wa go rufa fote o go neya matšhika ya gore wa ma hloka. (Mafil. 4:6,  7) Mo nkare le wene o berekela Jehova o kene tshwaraganne le bokoka kela o kgahleletsegiye ka ku tengteng, o sa kamake gore o jabodisa Jehova. Ba go tlala ba rune ga motabogo wa Sekreste re le dikoka mara re ya tiyisela. (2 Makor. 4:16) Mo Jehova a na le rune, re nyoko taboga go segela mafelelong! w20.04 31 ¶20-21

Di napa di ro yela gabutši gore Modimo o hlalefiye mo o lebelela ka mokgo a makiyeng lefase lo re dulang ga lona. (Maheb. 3:4) Lefase lo re dulang ga lona le ya jabodisa ka taba la gore ke lona le ntoši la gore dilo di ka kgona go phela ga lona. Re ka fo re lefase le tshwana le sekepe sa gore se phaphamele gedimo ga lewatle. Mara sekepe sa gore se tlele ka batho, go na le tso se ka sa tshwaneng le lefase ka tsona. Mo re beyisa, o nagana gore hala bo ba leng ka ho sekepeng ba timakela moya wa bona wo ba nyoko wo wonang, tsa go ja, meetši fote ba sa kgone go lahla dithila, ne ba nyoko phela go segela kaye? Nnete ke gore batho ba hone sekepeng ne ba ka sa phele go ya kaye. Lefase a le tshwane le sekepe ka taba la gore le na le dibhiliyoni tsa dilo tso di phelang. Le maka gore re kraye moya wo re wo wonang, tsa go ja, meetši ya gore re ya ma hloka fote dilo tsone a di fele. Dithila tsa lona a di ntshiwi ke mokane dya lahliwa go gongwana, mara le fo dula le bafele fote re kgona go dula ga lona. Di kgonega byang tsotsone? Jehova o makiye lefase gore le kgone go berekisa dilo ga tleletlele. w20.05 20 ¶3-4

Sathane gabutšibutši ke mo a botsa Efa gore Jehova o na le matsaka. Byalo, Sathane a napa a ba diyabolo kela wa go leba. Sathane aa mo kwa ga Efa, o f’lo teya a tshwarelele, mo Efa a re phaphara, a kraya setlakala se tupiye. (1 Thim. 2:14) O yye a tshepa Sathane ka matla, a sa tshepe Jehova. O ka sa tšibi gore Efa le yene ke mo a kenne king mo a šinya a segelela sepheto sone sa go kwisa go baba ka matla. Mara o yye a hlawola go sa theetsele Jehova. Ke mokane a thomisa go ja seyengwa so Jehova a mmutsiyeng gore le ka letšatši la mohlolo a sa tsoge a se jile. Ka nthago ga hone, a neya Adamo. (Gen. 3:6) Yema re fo nagana ka tso Efa ne a tshwanele a di butsiye Sathane. O fo nagana nje mola a yye a bolabola gore: “Wene a ke go tšibi, mara ke tšiba Papa, Jehova, wa gore ke mo nyaka ka matla fote ke ro mo tshepa. O neyye nna le Adamo dilo ka mokana ga tsona tso re nang natso. O sa ntshwatisi ka matsaka yane yago! Tloga ho thina gaka ša!” O fo nagana nje gore Jehova nke a yye a tikwa byang mo morwediya wage Efa a fetola ka mokgonone! (Diy. 27:11) Mara Efa o šitegiye go mo šupetsa ga Jehova gore o mo nyaka ka matla; Adamo le yene a fo tla a maka ka mokgonone. Ka taba la gore Adamo le Efa ba šitegiye go šupetsa Papa bona gore baa mo theetsela, ba yye ba šitega go yemelela lebitso la Modimo. w20.06 4 ¶10-11

Di nyaka re ma thanake ka matla magageru ya rune ya basadi ka taba la mmereko wo ma wo makelang Jehova. Tse dingwana tso ba di makang ke go yaga le go pasopa meyago, go gelepa megoba ye menyana mo yi tšhomayela ka mebolabolo ye mengwana le go gelepa Bethele. Ba gelepa ga mmereko wa go yimullana, wa go hlatolla dipuku tsa rune fote ba bereka go le maphayona le barumiwa. Go tokegela gana hone, basadi ba gelepa banna ba bona ka tse dingwana gore ba thogo kraya nako ya go maka mmereko wa go roba wa ka ho phutegong le wa ka ho mokgahlong. Banna bowa re ba ‘neyye ke Modimo’ fote ba maka mebereko ya go tlala ka matla, mara hala basadi ba bona ba se šiyo ho thina, aritši. (Maef. 4:8) Bagolo ba gore ba hlalefiye ba kwisisa gore magageru ya basadi ma “tlele ka matla” fote ga go tlala ga mmereko wa go tšhomayela ditaba tsa go bafala ba fo teya ba tshwarelele. Go tokegela gana hone, bagolo baa di tšiba tsa gore magageru ya basadi ya gore ma butšwiye fote maa tshepega ma kgona go gelepa magageru ya basadi ya gore ma sa gola mo ma gahlana le tsa go ma ghula. (Tito 2:3-5) Yii, magageru yawa ya basadi di nyaka re ma tseyela hlogong ka matla! w20.09 23-24 ¶13-14

Jehova a ka sa tsoge a lebele bo ke mo ba mmerekela, ba gore gana byalo ba lesetsiye go nghanelana le batho bage, fote a ka sa ro lebala tso ba di makiyeng nakwela ba sa mmerekela. (Maheb. 6:10) Moporofeta Jesaya o ngwadiye mošupetso wa gabutši ka matla wa go šupetsa ka mokgo Jehova a pasopang batho bage. O yitseri, ‘Modimo o nyoko pasopa dinku tsage go tshwana le motho wa go disa. O nyoko hlekeletsa dinkunyana tsage a berekisa letsogo lage, ke mokane a di beya ho sekgubeng.’ (Jes. 40:11) Ye Mogolo wa gona wa ba go Disa o tikwa byang mo a lahlegela ke nku ka yyoši? Jeso o yye a šupetsa ka mokgo Jehova a tikwang ka gona nakwela o butsisa malata yage gore: “Le nagana ying mara? Mo motho a na le 100 ya dinku ke mokane gwa lahlega ye nngwana, ayitsano a ka sa šiyi 99 ya tsona ku dithabeng ke mokane a thomisa go nyakela ka yyoši ya gore yi lahlegiye? Byalo mo a yi kraya, nnete ke ya le botsa, o yi jabolela ka matla go phala 99 ya tsela tsa gore ke mo di sa lahlega.”—Mat. 18:12, 13. w20.06 19-20 ¶8-9

Mebereko ka mokana ga yona yo yi leng gona ga tso tsa Modimo, re yi tseyela gedimo ka matla. (Pis. 27:4; 84:10) Mo mogageru a maka gore a krayege gore a kgone go maka mmereko wa ka ho phutegong wa go hlawolega, tsa go thanakiwa dya mo tshwanela. Mara, mo a ka kraya mmereko ka ho phutegong, a sa thome go ba le magetla. (Luk. 17:7-10) Selo so a tshwaneleng a tikemisele go se segelela, ke go berekela ba bangwana a tinyanafatsiye. (2 Makor. 12:15) Baebele yi na le mešupetso ya go re pasopisa, ya gore yi bolabola ka batho ba gore ba yye ba thoma go ba le magetla. Diyotrefese o yye a šitega go tinyanafatsa, sosone se makiye gore a nyake go ba le mayemo ka ho phutegong. (3 Joh. 9) Ka taba la go ba le magetla, Uziya o yye a maka mmereko wa gore Jehova ke mo a sa mo roma gore a wo make. (2 Dikor. 26:16-21) Absalomo o yye a berekisa bošakašakane gore batho ba mo thege ka taba la gore ke mo a nyaka go ba kgoši. (2 Sam. 15:2-6) Mešupetso yone ya ka ho Baebeleng yi fo šupetsa gabutši gore Jehova aa kwane le batho ba magetla. (Diy. 25:27) Mo go-ya-go-ya, go ba le magetla le go nyaka dilo tsa gore a di ya go lebana go ka go potlometsa marageng.—Diy. 16:18. w20.07 4 ¶7-8

Mitši ye mengwana yi rurele dinageng tse dingwana ka taba la gore seyemo ne se thathafa nageng ya bona kela ke mo ba nyaka mmereko. Di ka makega gore bana ba bona sekolong ba ba tšhutisa ka mmolabolo wa naga ya nyuwane yo ba leng ga yona. Babelegi le bona di ka nyaka gore ba tšhute mmolabolo wa gana hone gore ba thogo kraya mmereko. Byalo mo nkare go na le phutego ya mmolabolo wa bona gee? Ba nyoko kgeta go ya ga phutego yifeng? Nje ba nyoko kgeta phutego ya mmolabolo wo o bolabodiwang ka matla ga naga yone kela ya mmolabolo wa bona? Hlogo ya mutši ke yona yi kgetang gore ba nyoko ya ga phutego yifeng. Ka taba la gore ke yene a kgetang, di nyaka a naganele ba mutši wage ka moka. Di nyaka re hlompe sepheto so hlogo ya mutši yi se segeleleng. Di nyaka re tseyele gedimo sepheto so a se segeleleng fote re yamogele ba mutši wage phutegong ya rune.—Mrm. 15:7. w20.08 30 ¶17-18

A di nyake re nagana gore go ba le matšhika, go tšhutega, setšo kela go ghanya ke tsona tso di makang gore Jehova a re yamogele. Dilo tsone a yi tsona tso di makang gore Jehova a re berekise. Gabutšibutši, a yi batho ba Modimo ka mokana ga bona ba go ba le ‘mahlalefelo ya lefase lowa, ba gore ba na le matšhika fote ba belegediwwe bogošing.’ (1 Makor. 1:26) Byalo, o sa lesetse selo le ka ssoši sa go go kgongwetsa kela sa go go lelemetsa se maka gore o sa berekele Jehova. Mara tseya dilo tsone go le lešuba la go bona matšhika ya Jehova ma bereka gago. Mo re beyisa, mo o tikwa o tšhoga ka taba la bo ba go makang gore o kamake so o se dumelang, rapela Jehova gore a go neye lešiši mo o yemela so o se dumelang. (Maef. 6:19, 20) Mo nkare o roba ke taba ya gore o thwadiye, kgopela Jehova gore a go neye matšhika gore o dule o karakara ka mokgo o ka kgonang go dula o mmerekela. Nakwenngwana le ye nngwana mo o bona Jehova a go gelepa, le wene mong o ro napa o tiyelela ka matla. w20.07 16 ¶9

Mo nkare re nyaka go yetisa Mmušo wa Modimo mahlong, di nyaka re tikemisele go tikona tse dingwana gore re thogo jabodisa Modimo, go fo tshwana le Abhrahama. (Mar. 10:28-30; Maheb. 11:8-10) O sa tseyi nkare o ka sa gahlane le tsa go go rula. Phela le bo ba berekelang Jehova lephelo la bona ka mokana ga lona ba nyoko gahlana le tsa go ba ghula. (Jak. 1:2; 1 Pet. 5:9) Lekgono re na le dilo tsa go tlala tso di re gelepang gore re dule re lebelele tsa ku mahlong. Dilo tso di makegang lefaseng ka mokana ga lona di šupetsa gore re phela mong mafelelofelelong ya lefase lowa. Selo se sengwana so re nyoko se jabolelang mo go lawola Mmušo wa Modimo ke go bona bo re ba nyakang ka matla ba gore ba hlokofele ba tsusiwa. Ka nako yone, Jehova o nyoko rufa Abhrahama ka taba la gore o yye a lefisa pelo le go šupetsa tumelo, o nyoko mo rufa ka go mo tsosa le go tsosa ba mutši wage gore ba tl’le phela ho lefaseng. Nje o ko ba o le gona gore o ba yamogele mo ba tsusiwa? Mo o ka kopisela ga Abhrahama wa tikona tse dingwana ka taba la Mmušo wa Modimo, wa ba le tumelo le mo go na le tsa go go ghula wa boya wa yemela Jehova o kene o lefisiye pelo, le wene o ka ba gona.—Mmik. 7:7. w20.08 5-6 ¶13-14; 7 ¶17

Re ya tšiba gore le mo bo ba re hloyyeng ba ka re bolaya, Jehova o nyoko re tsosa. Fote re ya tšiba gore a gona so ba ka se makang sa gore se nyoko re maka gore re sa sa berekela Jehova. (Mrm. 8:35-39) Jehova o šupetsiye gore o hlalefiye ka go re neya tshepo ya gore go nyoko ba le tsogo! Ka taba la tshepo yowa a re hlagasele mo Sathane a re tshosanya ka gore o nyoko re bolaya fote yi maka gore re tshepege ga Jehova re kene re šišimele. Mo batho ba gore ba hloyye Jehova ba re ba nyoko go bolaya, ayitsano o nyoko yi tshepa taba ya gore Jehova o nyoko go tsosa? O nyoko tšiba byang gore ka nako yone wa yi tshepa taba yone? Se sengwana so o ka se makang ke go tiputsisa gore, ‘Nje dipheto tso ke di segelelang letšatši le lengwana le le lengwana le mo yi le tse di nyana di šupetsa gore ke tshepa Jehova?’ (Luk. 16:10) Fote o ka tiputsisa gore, ‘Nje maphelelo yaka ma šupetsa gore ke tshepa gore mo nka yetisa tsa Jehova mahlong o nyoko mpasopa ka dilo tso ke gayelang tsona letšatši le lengwana le le lengwana?’ (Mat. 6:31-33) Mo nkare phetolo yago ga diputsiso tsowa ke eya, o nyoko fo tiyisela le mo go ka teya leduma la mošaga mang.—Diy. 3:5, 6. w20.08 17-18 ¶15-16

Di nyaka re tšibe Lentsu la Modimo gabutši gore re thogo le berekisa. Tse dingwana re ka di tšhuta megahlanong ya phutego. Mara mo nkare re nyaka go maka gore ba bangwana ba sa kamake gore nnete ya Baebele yi ka ba gelepa, di nyaka le rune beng re yi bale ka moka matšatši. Di nyaka re berekise Lentsu la Modimo gore re thogo tiyisa tumelo ya rune. Tsowa a di rele go fo bala Baebele nje. Di nyaka re ghayele ka tso re di balang fote re nyakolle ka dipukung tsa rune gore re thogo kwisisa le go berekisa Mangwalo gabutši. (1 Thim. 4:13-15) Re ko thogo berekisa Lentsu la Modimo mo re tšhutisa ba bangwana. Fote sowa a se rele go fo ba balela Baebele nje. Re nyaka go gelepa bo ba re theetseleng gore ba kwisise lengwalo lone le gore ba le berekise. Mo re ka ba le letheto la go titšhutisa Baebele, re ko thogo ba mathitšere ya gabutši mo re ba tšhutisa Lentsu la Modimo la gore le hlohletsele ke yene mong.—2 Thim. 3:16, 17. w20.09 28 ¶12

Ho re nyaka gore go sa be le tsa go re tlonya ga mmereko wa go tšhomayela, di nyaka re nagane ka dilo ka moka tso Jehova a re makelang tsona gore a thogo re gelepa. Mo re beyisa, o re gelepa a berekisa dipuku tsa go phrinthiwa le tsa gore di inthaneteng, tsa go theetsela, dividiyo le tse dingwana tsa wepsayeteng gore re thogo tlalela ka matla ga tso tsage. O fo nagana nje: Go na le mebolabolo ya go teya ka ku ga 1 000 ga wepsayete ya rune! (Mat. 24:45-47) Se sengwana so re ka se makang gore re sa tlonyegi ke go tseyela ga Jeso. A sanka a lesetsa selo le ka ssoši se mo phika mo a yemelela nnete. (Joh. 18:37) A sanka a nabela le ka go nyana nakwela Sathane a re o nyoko mo neya ‘memmušo ya lefase ka mokana ga lona,’ le nakwela batho ba nyaka gore a be kgoši. (Mat. 4:8, 9; Joh. 6:15) Ke mo a sa kwane le dilo tsa majabajaba fote ne a sa tšhoge le mo a phigisiwa go baba. (Luk. 9:58; Joh. 8:59) Mo re ka dula re naganne ka tso Pawulo wa lepostola a di hlayyeng ga temanyana ya lekgono, go ka sa be le tsa go re tlonya ga mmereko wa go tšhomayela le mo tumelo ya rune yi ka tupetsa ke sehlahledi sa mošaga mang. w20.09 9-10 ¶6-7

Re ro šitega le go hlatolla majabolelo ya rune ka taba la basadi bo go leng Makreste bo re nang nabo ka ho diphutegong! Baa fetola mo ba le megahlanong fote ba tšhomayela ditaba tsa go bafala. Ba bangwana ba maka mmereko wa go lukisa Diholo tsa Mmušo fote ba hlupega ka magageru ya mangwana ya ka ho phutegong. Mara le bona ba na le tsa go ba phiriketsa. Ba bangwana ba pasopa babelegi ba bona ba gore ba šele ba tsofele. Ba bangwana ba phigisa ke ba mitši ya bona ba gore a yi Dihlatse. Ke mokane go gongwana o kraya mosadi a tigudisela bana bage a le ntoši fote a tshwanele go bereka go baba. Ke ntaba ka matlamatla di nyaka re tiyise magageru ya basadi? Ka taba la gore di ro ba tshwanela gore re ba hlompe, mara ga go tlala batho ba lefase ba ba tseyela fase. Go tokegela gana hone, Baebele yi re re ba thege. Mo re beyisa, Pawulo wa lepostola o kgopele phutego ya Roma gore yi yamogele Foyibhi fote ba mo “neye dilo ka moka tso a di gayelang.” (Mrm. 16:1, 2) Pawulo o tšwa ga setšo sa gore ne se tseyela basadi fase. Mara mo go šele go le Mokreste, o yye a tseyela ga Jeso ke mokane a thomisa go hlompa basadi le go ba tshwara gabutši. w20.09 20 ¶1-2

Gore re gelepe bo ba tšhutang Baebele gore ba nabele go botsa ba bangwana ka ditaba tsa go bafala, re ka ba butsisa diputsiso tsa go tshwana le tsowa: “Go yamogela molaetsa wa Mmušo go tšhentšhiye lephelo lago ka mokgo mang? Ayitsano o nagana gore go na le bo ba ka nabelang go kwa ka molayetsa wowa? O ka maka ying gore o thogo ba gelepa?” (Diy. 3:27; Mat. 9:37, 38) Re sa lebale gore Jeso o re butsiye gore re tšhutise ba bangwana “go latelela dilo ka mokana ga tsona” tso a di hlayyeng. Ga dilo tsone go kena le melawo ka mmedi ye megolo—ya go nyaka Modimo le moyagelani ka matla—fote melawo yone yi sipidisana le go tšhomayela le go maka batho gore go be malata. (Mat. 22:37-39) Gabutšibutši, go nyakanana ke so se napang se re tšhofa gore re make mmereko wa go tšhomayela. Di ya kwala mo bo re tšhutang nabo Baebele ba kwa ba tšhoga mo ba nagana ka mmereko wa go tšhomayela. Mo re ka gelepa bo re tšhutang nabo Baebele gore ba di tšibe gore ke Jehova ye a ba gelepang, ba ko thogo hlula go tšhaba batho.—Pis. 18:1-3; Diy. 29:25. w20.11 3 ¶6-8

Mo o kene o lukiselela, di nyaka o rapele Jehova o mmotse ka ye o tšhutang Baebele naye le ka tso a di gayelang. Kgopela Jehova gore a go gelepe o thogo tšhutisa Baebele ka mokgwa wa go tikisa pelo. O sa lebale gore so o nyakang go se segelela ke gore motho yene a feleletse a kolobetsiwwe. Ye a tšhutisiwang Baebele di nyaka a bolabole le Jehova. Ka mokgo mang? Ka go mo theetsela le ka go bolabola naye. A ka theetsela Modimo ka go bala Baebele ka moka matšatši. (Još. 1:8; Pis. 1:1-3) A ka bolabole le Jehova ka go rapela ka moka matšatši. Rapela di go baba mo le thomisa go bala le mo le fetsa, o boye o tšhele ye o balang naye hone morapelong. Mo a kene a theetsele mo o rapela, le yene o nyoko tšhuta gore a ka rapela di tšwa pelong ka mokgo mang, a boye a rapele Jehova Modimo ka lebitso la Jeso Kreste. (Mat. 6:9; Joh. 15:16) O fo nagana ka mokgo go bala Baebele ka moka matšatši (go theetsela Jehova) le go rapela (go bolabola le Jehova) go ka gelepang ye o tšhutang naye Baebele gore a šutele thina ka matla le Modimo!—Jak. 4:8. w20.10 8 ¶8; 9 ¶10-11

Mokgahlo wa Jehova lekgono wo sa tseya taba ya go maka dilo ka letheto le go beba go le ye kgolo go fo tshwana le ka mokgo Makreste ya ku botala ne ma yi tseya ka gona. (Meber. 16:4, 5) Mo re beyisa: Mo o ka ya mogahlanong we tšhuta Sewokamelo ga phutego ye nngwana, le mo go ka ba go le ga naga ye nngwana, o ko ba o di tšiba gore se tshwariwa byang fote ke hlogotaba yifeng yo yi tšhutiwang. Nnete ke gore o ko fo kwa pelo yo yi f’lo re kgehle! Ayitsano go ba selo ka ssoši ka mokgonone go ka kgonega mo moya wa Modimo wa go hlawolega wo se šiyo? (Zef. 3:9) So o ka se makang? Tiputsise gore: ‘Ayitsano ke maka gore ka ho phutegong re be ngata ka yyoši fote go dule go bebiye? Ayitsano ke ya ba theetsela bo ba yetang mahlong? Nje ba bangwana ba tikokotlela ka nna ka matlamatla mo ke neyiwwe mmereko ka ho phutegong? Nje nako ke ya yi tshwara, ke ya berekega fote ke tikemisele go berekela ba bangwana?’ (Jak. 3:17) Mo nkare di nyaka o ghobolla go gongwana, rapelela moya wa go hlawolega. Mo o ka lesetsa moya wa go hlawolega wo maka gore o tšhentšhe maphelelo yago fote wo kutšetsela ka mokgo o makang dilo ka gona, magageru ma nyoko go nyakisa tsa mohlolo fote ma nyoko go tseyela gedimo ka matla. w20.10 23 ¶12-13

Lentsu la Modimo le tshwana le seboki ho ga rune. (Jak. 1:23-25) Ba go tlala ba rune mo re tloga gaye re thomisa ka go tilebelela seboking. Ka mokgonone re ko thogo di bona gore re ka lukisa kaye ba bangwana ba soko bane ba di bona. Go fo tshwana le mo re bala Baebele ka moka matšatši, re ko thogo bona ka mokgo re ka tšhentšhang tso re di naganang le tso re kwanang natso kela tso re sa kwaneng natso. Ba go tlala, ba kwa di le gabutši go bala go nyakolla Mangwalo go sa le ka bošego ba soko bane ba tloga gaye. Ba lesetsa tso ba di balang di kutšetsela ka mokgo ba naganang. Ke mokane letšatši ka mokana ga lona ba leketsa go berekisa tso Lentsu la Modimo le ba botsang tsona. Go tokegela gana hone, di nyaka re be le letheto la go tšhuta Baebele ka moka matšatši le go ghayela ka tso re di tšhutang. Mo o di lebelele, di bonala nkare di ka sa re gelepi ka selo mara ke mong tsona tso di ka re gelepang gore re dule re le ga setselane sa gore se bakiye lephelong. Re ka fo re Lentsu la Modimo le tshwana le motšhini wa eksreyi, wa go re gelepa gore re thogo bona tsa gore re ka sa di bone ka maahlo. Mo re nyaka go berekela ke tso re di tšhutang ka Baebeleng le ga malata ya Modimo di nyaka re tinyanafatse. w20.11 18 ¶3; 20 ¶8

Le mo Makreste ya ku botala ne ma dula ma hlorisiwa, dilo ne di na le go ma sepelela gabutši. Ne ma maka ying mo go thulega mašuba ya mohlobo wonone? Makreste yawa ya go tshepega ne ma tšhomayela ditaba tsa go bafala ka mokgo ma ka kgonang ka gona. Taba yo yi leng ga Mebereko yi šupetsa gore “ne ma tšhaba Jehova.” A maa lesetsa go tšhomayela ditaba tsa go bafala, sosone se makiye gore ma ye “mahlong ma yeketsega.” Di fo ba lekgwaying gore Jehova o yye a ma rufa nakwela ma tšhomayela mo go sa kgibiye. (Meber. 9:26-31) Makreste ya ku botala ne ma berekisa lešuba le lengwana le lengwana gore ma thogo sabalatsa ditaba tsa go bafala. Tla re fo beyisa ka taba ye nngwana ke yowa, nakwela Pawulo a di bona gore go bulegiye sekwalo se segolo hala Efeso, o yye a berekisa lešuba lone gore a thogo tšhomayela le go maka batho malata ga toropo yone. (1 Makor. 16:8, 9) Malata ma yye ma karakara ka matla gore ma thogo tšhomayela “ditaba tsa go bafala ka lentsu la Jehova.” (Meber. 15:30-35) Go yye gwa makega ying? Temanyana ya lekgono ya re botsa. w20.09 16 ¶6-8

Mo Adamo a sinya aa bolayisa yene a ntoši o bolayisiye le bana bage ka mokana ga bona. Le lekgono lowa di sa re boyela ka taba la go sa theetsele gage. Mara ka taba la gore Modimo o yye a tsosa Morwayi wage tsotsone di nyoko re yimulla ra šala re yitseri ekgu! “Le tsogo ya bo ba kgwileng yi nyoko makega ka motho ka wwoši,” yene Jeso. “Batho ka mokana ga bona baa kgwa ka taba la Adamo” fote Pawulo wa lepostola o hlayye gore “batho ka mokana ga bona ba nyoko phela ka taba la Kreste.” (1 Makor. 15:22) Pawulo ke mo a ra gore king mo a re “batho ka mokana ga bona baa kgwa ka taba la Adamo”? Pawulo ke mo a naganne ka bana ba Adamo ba gore o ba tluletsiye senyama le go sa felegelela fote baa kgwa ka taba la tsotsone. (Mrm. 5:12) Adamo aa badiwi ga bo “ba nyoko tsusiwang.” Sehlabelo sa Kreste a se mmerekele ka selo ka taba la gore ke mo a felegelele fote o ro di nyaka go sa theetsele Modimo. Tso di makegeleng Adamo di nyoko fo tshwana le tso di nyoko tlelang bo “Morwayi wa motho” a ko ba yahlulang go le “dipudi” ke mokane, ‘ba nyoko tlusiwa gwa napa go fela ka bona.’—Mat. 25:31-33, 46; Maheb. 5:9. w20.12 5 ¶13-14

Mo re sa segelele mebereko yo re yi nyakang ka ho phutegong, di nyaka re nagane ka mošupetso wa mangeloyi ya go tshepega. Ka dinako tsa mo go sa lawola Kgoši Ahaba, Jehova o yye a butsisa mangeloyi gore ba ka lahletsa kgoši yo ya pelo ye phifadu ka mokgo mang. Mangeloyi ya go tlala ma yye ma tla ka dipolane. Mara Modimo o kgetiye lengeloyi ka lloši ke mokane a le botsa gore polane ya lona yi nyoko bereka. (1 Mag. 22:19-22) Ayitsano mangeloyi ya mangwana ya go tshepega tsotsone di yye dya ma kgongwetsa ma fetsa ka gore, ‘Ne ke sa tihlupela ying?’ A go na so se šupetsang gore ma tikwile ka mokgonone. Mangeloyi ma tinyanafatsiye tsa mannete fote ma nyaka go thanakiwe Jehova. (Bay. 13:16—18; Kut. 19:10) O sa lebale gore selo so re nang naso sa go tseyediwa gedimo ke go bitsiwa ka lebitso la Modimo re boya re sabalatsa ditaba tsa Mmušo wage. Mmereko ka ho ga Jehova mmereko wone wo makang gore Modimo a re tseyele gedimo. Ke mo o tšiba tso o ka kgonang go di maka o boye o tinyanafatse gore Jehova le magageru ba thogo go nyaka ka matla. Byalo, kgopela Jehova a go gelepe gore o dule o tšiba tso o ka kgonang go di maka fote o tinyanafatse. Sekela ga mešupetso ya gabutši ya ba bangwana ya go tšiba tso o ka kgonang go di maka le go tinyanafatsa yo yi krayegang Baebeleng. Tikemisele go makela magageru tsa gabutši ka mokgo o ka kgonang.—1 Pet. 5:5. w20.12 26 ¶16-17

Lekarapo la go phonisa ke tshepo yo Jehova a re neyang yona ya gore re ka sa sa kgwa le gore ka mokana ga bona bo ba makang tso a di nyakang o nyoko ba patela. (1 Mathes. 5:8; 1 Thim. 4:10; Tito 1:1, 2) Tshepo ya go phonisiwa yi pasopa tsela yo re naganang ka yona. Fote yi maka gore re dule re nagana ka tso Modimo a re tshepisang tsona le gore mathatha ya re nang nawo ma sa nape ma re wotisa. Lekarapo lowa re le yapara kagore re nagane dilo tsa go yelana le tsa Modimo. Mo re beyisa, a re tshepe makgumo ya gore a ma tshepege, mara re tshepa Modimo. (Pis. 26:2; 104:34; 1 Thim. 6:17) Sabola yo re yi neyang ke moya wa go hlawolega ke Lentsu la Modimo, Baebele. Sabola yone yi na le matšhika ya go sega ya tlosa matsaka fote ya maka gore re sa be mabhantiti ya go tšhutisiwa dilo tsa matsaka le mekgwa ya gore yi ka re kwaletsa. (2 Makor. 10:4, 5; 2 Thim. 3:16, 17; Maheb. 4:12) Sabola yowa re yi lokotša ka go titšhutisa Baebele le ka tso re di tšhutisang ke mokgahlo wa Modimo.—2 Thim. 2:15. w21.03 27 ¶4; 29 ¶10-11

Le mo Johane wa lepostola a kene a le jele ka taba la go tšhomayela ka Jeso, o yye a šupetsa gore batho ba bangwana o ba nyaka ka matla. Mo re beyisa, o ngwadiye puku ya Kutullo a yi romela ga diphutego gore di tšibe tso ne “di tshwanele di makege go se botala.” (Kut. 1:1) Di ka makega gore Johane o ngwadiye Ebangedi ya lephelo la Jeso ka nthago ga mo a ntshiwwe Patimosi. Fote o ngwadiye kararo ya mangwalo gore a thogo hlohletsela le go tiyisa magagabo. Taba ya Johane ya go tikona tsa go tlala lephelong, re ka yi yekisela fote so o se hlawolang lephelong lago ke sona se nyoko šupetsang gore batho o ba nyaka go segela kaye. Lefase la Sathane le ka go kutšetsela gore o fetse nako yago le matšhika yago o leketsa go ghaya sekwetše kela go timakela lebitso. Mara batšhomayedi ba Mmušo wa Modimo lefaseng ka mokana ga lona ba tikona tsa go tlala ba boya ba fetsa nako ya bona ba tšhomayela ditaba tsa go bafala le go gelepa batho gore ba šutele thina le Jehova. w21.01 10 ¶9-10

Ne di ka makega gore Jonathane a jelasele Dafita. Ka taba la gore Jonathane ne go le morwayi wa Kgoši Sawulo ne a ka fetsa ka gore ke yene a tshwaneleng go ba kgoši. (1 Sam. 20:31) Mara Jonathane ke mo a tinyanafatsiye fote a tshepegiye ga Jehova. Byalo, o di yamogele mo Jehova a kgeta Dafita gore go be kgoši. Ke mo a tshepegiye ga Dafita le mo tsotsone ne di kwatisa papage Sawulo ka matla. (1 Sam. 20:32-34) Ka taba la gore Jonathane ne a nyaka Dafita ka matla ne a sa mo jelasele le ka go nyana. Ke mo go le segele sa mosefo fote go le lesole la go ba le lešiši. Jonathane le papage Sawulo ne ba tumme ka go ba le “lebelo la go phala digotšane” le “matšhika ya go phala ditawu.” (2 Sam. 1:22, 23) Tsotsone ne di ka maka gore a thomise go ba le magetla ka taba la tso a di segeleleng. Mara Jonathane ne a sa kwane le go phadisana kela go jelaselana. Ke mo a tseyela Dafita gedimo ka taba la gore ne a na le lešiši fote a tshepela ga Jehova. Gabutšibutši, ka nthago ga mo Dafita a bolayye Gholiyate, Jonathane o yye a thomisa go kwana naye ka matla. w21.01 21 ¶6; 22 ¶8-9

Makreste ka mokana ga wona ma lawola ke Jeso Kreste wa gore o yenele. Mara mo mosadi wa gore ke Mokreste a tseyiwa, o nyoko lawola ke monna wa gore aa felegelela. Phela tsotsone go nyoko ro ba ntshitshire. Byalo di nyaka gore mo a hlawola ye a nyakang go tseyana naye a tiputsise gore: ‘Ke bona ka ying gore mogageru yewa o nyoko ba hlogo ya mutši ya gabutši? Nje tso tsa Modimo o di yetisa mahlong mo a kene a phela? Mo nkare a go ka mokgonone king so se makang gore ke nagane gore mo re šele re šadhiye o nyoko gelepa gore re dule re na le senghana sa thina le Jehova?’ Di gabutši ka matla gore mogageru wa mosadi a tiputsise le gore: ‘Ke mekgwa yifeng ya gabutši ya gore yi ka gelepa ga mošadho wowa? Nje ke motho wa go lefisa pelo fote a ke konane? Nje senghana saka le Jehova se tiye?’ (Mmo. 4:9, 12) Gore mosadi a thogo jabolela mošadho wage di ya ka dipheto tso a di segeleleng mo a soko bane a tseyiwa. Dimiliyone tsa magageru ya basadi ba gore ke Makreste ke mošupetso wa gabutši ga taba ya go theetsela banna ba bona ba boya ba ba hlompa. Tla re ba thanakeneng barena ša! w21.02 8 ¶1-2

Mengwaga nyana ya go feta, batšhomayedi ba go tlala ba yye ba fetsa le pelo gore ba nyoko tšhuta mebolabolo ye mengwana gore ba thogo maka tsa go tlala ga mmereko wo wa go tšhomayela ma ya ga diphutego tsa gore di gayela batšhomayedi ba Mmušo. Sowa ke sepheto so bona beng ba se segeleleng gore ba thogo yeketsa mmereko wo ba wo makelang Modimo. Le mo yi le gore di ba tseya mengwaga ya go tlala gore ba thogo bolabola mmolabolo wa nyuwane, ba gelepa phutego ka dilo tsa go tlala. Mekgwa ya bona ya gabutši le dilo tso ba di tšibang di tiyisa diphutego ka matla. Magageru yawa re ma tseyela gedimo ka matla wa tšiba! Mogoba wa bagolo o ka sa lesetse go bolabolela mogageru gore go be mogolo kela lelata ka taba la gore aa kgone go bolabola gabutši mmolabolo wo o berekisiwang ga phutego yage ya nyuwane. Bagolo ba nyoko berekisa Mangwalo mo ba bolabolela mogageru gore go be mogolo kela lelata, ba ka sa yi ka gore o kgona go bolabola mmolabolo wa hone phutegong kela e-e.—1 Thim. 3:1-10, 12, 13; Tito 1:5-9. w20.08 30 ¶15-16

Batho ba ka tseya gore mo motho a nyaka go jabola, di nyaka a be a philegiye, a na le sekwetše fote a kwane le ba mutši wage kela mašaga. Mojabolo wo Jakobo a bolabolang ka wona ke wo re wo krayang ka taba la moya wa Modimo wa go hlawolega fote le mo go ka makega ying a wo tšhentšhi. (Magal. 5:22) Mokreste o kraya mojabolo kela a ka tikwa a jabodiye ka matla mo a di tšiba tsa gore Jehova wa mo yamogela fote o latelela mošupetso wa Jeso. (Luk. 6:22, 23; Makol. 1:10, 11) Go fo tshwana le mollo wa gore wo tšhireletsegiye ka teng ga llampa, byalo le mojabolo wone wo dura ka teng ga pelo ya Mokreste. Byalo, le mo re ka lwala kela re ka patšeka mojabolo wone wo ka sa ro fela. Fote mojabolo wone a wo kwaritšele ka taba la mo ba go tšhelela maahlo ya batho kela mo o phigisa ke mašaga yago le ba bangwana. Le mo ba leketsa go re yamoga mojabolo wone, wo fo ya mahlong wo kene wo hluhlutela. Mo re kene re gahlana le tsa go re ghula ka taba la tumelo ya rune, di maka gore re sa kamake gore ke rune malata ya Kreste ya mannete. (Mat. 10:22; 24:9; Joh. 15:20) Di napa di kwala ka matla mo Jakobo a ngwadiye mantsu ya temanyana ya lekgono. w21.02 28 ¶6

Mo o kene o gahlana le ditemanyana tsa go šupetsa gore mo o dula o kgibiye fote o tshepela ga Jehova o ko tiyelela, leketsa go tshwara mantsu ya mangwana ya ditemanyana tsone ka hlogo. Di ka go gelepa ka matla mo o ka ma balela gedimo kela wa ma ngwala fase ke mokane o fela o tigopotsa wona. Jošuwa ba yye ba mmotsa gore a dule a bala puku ya Molawo ka lentsu la fase gore tso a di makang di šupetse gore o hlalefiye. Tsotsone ne di nyoko mo gelepa gore a thogo hlula go hlagasedisa ke seyemo so ne a le ga sona. (Još. 1:8, 9) Tso o nyoko di krayang ka ho Baebeleng di ka go gelepa gore o kgibe o boye o tiyelele ga seyemo so se ka go šekedisang kela sa go hlagasedisa. (Pis. 27:1-3; Diy. 3:25, 26) Tso ba di tšhutisang seralong ku megahlanong ya rune, tso di fetolang ke bo ba leng megahlong le tsa go yagisa tso re bolabodisanang le magageru ka tsona di ya re berekela. (Maheb. 10:24, 25) Go bolabola le banghana ba rune bo re ba tshepang ba ka ho phutegong re ba botsa ka mokgo re tikwang di re tiyisa ka matla. w21.01 6 ¶15-16

Nakwela o kolobetsiwa, o yye wa šupetsa gore tumelo yago yi tiyye ka matla le gore ga Jehova wa mo tshepa. Fote Jehova le yene o yye a jabola a šinya a go thulela lešuba la gore o be ka mutšing wage. Gana byalo di nyaka o ye mahlong o tisamele ka Jehova. Di ka šupa di le lula go tisamela ka Jehova mo go na le dipheto tse dikgolo tso o tshwaneleng go di segelela, mara nje o tisamela ka yene le ka dinako tse dingwana? Di nyaka ga Jehova o mo tshepa ka matla mo o segelela dipheto, le mong ga dilo tsa go tshwana le tsa go tijabodisa ka tsona, mmereko wo o nyoko thewogelang ga wona le dilo tso o nyakang go di segelela lephelong! O sa tseye nkare wene beng o hlalefiye. Mara lebelela ditšhiko tsa ka ho Baebeleng tsa go yelana le seyemo sago, ke mokane o make tsotso o di kwang. (Diy. 3:5, 6) Mo o ka maka ka mokgonone, o nyoko jabodisa Jehova fote o nyoko maka gore batho ba ka ho phutegong ba go tshepe. Le wene ke wene motho, go nyoko fela go ba le ga gore wa kekemisa, go tshwana le rune ka moka. Mara o sa nape o lesetsa tsotsone di go kena matolong mo o kene o karakara gore o berekele Jehova. w21.03 6 ¶14-15

Ayitsano ba hone mutšing wago kela mašaga baa go phigisa? Kela o dula ga naga ya gore batho ba Jehova a ba ba dumelele go maka mmereko wa bona ba lokolugiye kela ba napiye ba rakela dilo ka moka? Mo nkare go ka mokgonone, o ka kgomoletsa ke go bala 2 Thimothi 1:12-16 le 4:6-11, 17-22. Pawulo wa lepostola o ngwadiye mantsu ya Lengwalo lowa a le jele. Mo o soko thomisa go bala mangwalo yawa, botsa Jehova bothatha byago le gore o kwa go baba go segela kaye. O sa tshware ku le ku. Ke mokane o kgopele Jehova gore mo o kene o bala ka tso Pawulo a ghulanneng natso, a go gelepe gore o bone ditšhiko tso di ka go gelepang ga bothatha byago. Jehova ke mo a butsiye Pawulo gore o nyoko hlorisiwa ka taba la gore go le yene Mokreste. (Meber. 21:11-13) Jehova o mo gelepiye byang ga Pawulo? O fetodiye dithapelo tsa Pawulo a boya a mo tiyisa mo nako yi kene yi ya. Pawulo ke mo a sa kamake gore o nyoko kraya patela yo a karakariyeng ka matla gore a yi kraye. Jehova ke mo a berekisa banghana ba Pawulo gore ba mo gelepe ka tso ke mo a di gayela. w21.03 17-18 ¶14-15, 19