• Yesaya 6:11, 12
    Baibulo la Dziko Latsopano la Malemba Opatulika

    • 11 Atatero ndinafunsa kuti: “Mpaka liti, inu Yehova?” Iye anayankha kuti:

      “Mpaka mizinda yawo itawonongedwa nʼkukhala mabwinja

      Mpaka nyumba zawo zitakhala zopanda anthu okhalamo

      Ndiponso mpaka dziko litawonongekeratu nʼkukhala bwinja.+

      12 Mpaka Yehova atathamangitsira anthu kutali+

      Ndiponso mpaka mbali yaikulu ya dzikolo itakhala bwinja.

  • Yeremiya 26:18
    Baibulo la Dziko Latsopano la Malemba Opatulika

    • 18 “Mika+ wa ku Moreseti nayenso ankanenera mʼmasiku a Mfumu Hezekiya+ ya ku Yuda. Iye ankauza anthu onse a ku Yuda kuti, ‘Yehova wa magulu ankhondo akumwamba wanena kuti:

      “Ziyoni adzalimidwa ngati munda,

      Yerusalemu adzakhala mabwinja,+

      Ndipo phiri la nyumba ya Mulungu* lidzakhala ngati zitunda zamunkhalango.”’+

  • Ezekieli 36:4
    Baibulo la Dziko Latsopano la Malemba Opatulika

    • 4 Choncho inu mapiri a ku Isiraeli, imvani mawu a Yehova, Ambuye Wamkulu Koposa. Yehova, Ambuye Wamkulu Koposa, wauza mapiri ndi zitunda, mitsinje ndi zigwa, mabwinja a malo amene anawonongedwa+ komanso mizinda yopanda anthu imene anthu a mitundu ina amene anapulumuka anaitenga kuti ikhale yawo. Anthuwo ankakhala moizungulira ndipo ankainyoza.+