Watchtower LAIBULALE YA PA INTANETI

2 Mafumu 21:16

Baibulo la Dziko Latsopano la Malemba Opatulika
- 16 Manase anaphanso anthu ambiri osalakwa mpaka magazi awo anadzaza Yerusalemu kuyambira koyambirira mpaka kumapeto,+ kuwonjezera pa tchimo lake lochititsa kuti Ayuda achimwe pochita zoipa pamaso pa Yehova.

Yesaya 59:7

Baibulo la Dziko Latsopano la Malemba Opatulika
- 7 Mapazi awo amathamangira kukachita zoipa,
  Ndipo amafulumira kukhetsa magazi a anthu osalakwa.+
  
  Maganizo awo ndi maganizo oipa.
  Zonse zimene amachita zimakhala zowononga ndiponso zobweretsa mavuto.+

Yeremiya 2:34

Baibulo la Dziko Latsopano la Malemba Opatulika
- 34 Ngakhale zovala zako zathimbirira ndi magazi a anthu osauka omwe ndi osalakwa,+
  Ngakhale kuti anthuwo sindinawapeze akuthyola nyumba kuti abe,
  Ndaona kuti magazi awo ali pazovala zako zonse.+

Maliro 4:13

Baibulo la Dziko Latsopano la Malemba Opatulika
- 13 Zimenezi zinachitika chifukwa cha machimo a aneneri ake ndi zolakwa za ansembe ake,+
  Amene anakhetsa magazi a anthu olungama mumzindawo.+

Mateyu 23:34, 35

Baibulo la Dziko Latsopano la Malemba Opatulika
- 34 Pa chifukwa chimenechi, ndikukutumizirani aneneri,+ anthu anzeru ndi aphunzitsi.+ Ena a iwo mudzawapha+ nʼkuwapachika pamtengo ndipo ena mudzawakwapula+ mʼmasunagoge mwanu ndi kuwazunza+ mumzinda ndi mzinda, 35 kuti magazi onse a anthu olungama amene anakhetsedwa padziko lapansi abwere pa inu. Kuyambira magazi a Abele wolungama+ mpaka magazi a Zekariya mwana wa Barakiya, amene inu munamupha pakati pa nyumba yopatulika ndi guwa lansembe.+