• Yesaya 2:2, 3
    Baibulo la Dziko Latsopano la Malemba Opatulika

    •  2 Mʼmasiku otsiriza,

      Phiri la nyumba ya Yehova

      Lidzakhazikika pamwamba penipeni pa mapiri akuluakulu,+

      Ndipo lidzakwezedwa kupitirira mapiri angʼonoangʼono.

      Anthu a mitundu yonse adzapita kumeneko.+

       3 Anthu ochokera mʼmitundu yosiyanasiyana adzabwera nʼkunena kuti:

      “Bwerani. Tiyeni tipite kukakwera phiri la Yehova,

      Tipite kunyumba ya Mulungu wa Yakobo.+

      Iye akatiphunzitsa njira zake,

      Ndipo ife tidzayenda mʼnjira zakezo.”+

      Chifukwa chilamulo chidzaphunzitsidwa* mu Ziyoni,

      Ndipo mawu a Yehova adzaphunzitsidwa mu Yerusalemu.+

  • Yesaya 66:20
    Baibulo la Dziko Latsopano la Malemba Opatulika

    • 20 Adzabweretsa abale anu onse kuchokera ku mitundu yonse+ ngati mphatso kwa Yehova. Adzawabweretsa atakwera mahatchi, ngolo, ngolo zotseka pamwamba, nyulu* ndi ngamila zothamanga, mpaka kukafika kuphiri langa loyera, ku Yerusalemu. Adzachita zimenezi ngati mmene Aisiraeli amabweretsera mphatso mʼnyumba ya Yehova, ataiika mʼchiwiya choyera,” akutero Yehova.