Watchtower LAIBULALE YA PA INTANETI

Watchtower LAIBULALE YA PA INTANETI

LAIBULALE YA PA INTANETI

Yesaya 26:19

Baibulo la Dziko Latsopano la Malemba Opatulika
- 19 “Anthu anu amene anafa adzakhalanso ndi moyo.
  
  Anthu anga amene anafa adzadzuka* nʼkuimirira.+
  
  Dzukani ndipo mufuule mosangalala,
  Inu anthu okhala mʼfumbi!+
  
  Chifukwa mame anu ali ngati mame amʼmawa,*
  Ndipo dziko lapansi lidzatulutsa anthu amene anafa kuti akhalenso ndi moyo.*

Yohane 5:28, 29

Baibulo la Dziko Latsopano la Malemba Opatulika
- 28 Musadabwe nazo zimenezi, chifukwa nthawi ikubwera imene onse amene ali mʼmanda achikumbutso adzamva mawu ake+ 29 ndipo adzatuluka. Amene ankachita zabwino adzauka kuti alandire moyo ndipo amene ankachita zoipa adzauka kuti aweruzidwe.+

Machitidwe 24:15

Baibulo la Dziko Latsopano la Malemba Opatulika
- 15 Ndipo ine ndili ndi chiyembekezo ngati chimenenso anthu awa ali nacho, kuti Mulungu adzaukitsa+ olungama ndi osalungama omwe.+

Aheberi 11:35

Baibulo la Dziko Latsopano la Malemba Opatulika
- 35 Akazi analandira anthu akufa amene anaukitsidwa.+ Koma anthu ena anazunzidwa chifukwa sanalole kusiya chikhulupiriro chawo kuti amasulidwe. Iwo anachita zimenezi kuti adzaukitsidwe pa kuuka kwabwino kwambiri.

Chivumbulutso 20:12

Baibulo la Dziko Latsopano la Malemba Opatulika
- 12 Ndiye ndinaona akufa, olemekezeka ndi onyozeka, ataimirira pamaso pa mpando wachifumuwo, ndipo mipukutu inatambasulidwa. Koma panali mpukutu wina umene unatambasulidwa, womwe ndi mpukutu wa moyo.+ Akufa anaweruzidwa potengera zimene zinalembedwa mʼmipukutuyo, mogwirizana ndi ntchito zawo.+