Nyimbo 150

Mkate Wochokera Kumwamba

(Yohane 6:51)

1. Atate wakumwamba,

Simusintha nthaŵi zonse,

Tiimba zitamando

Kuyeretsa dzina lanu.

Monga Mbusa wokonda,

Munatsogolera

Anthu anu akale,

Munapatsa mana.

Munawapatsa madzi,

Ndi kuthetsa ludzu lawo.

Anadza ku Kanani,

Ali okhuta okondwa.

2. Mana munawadyetsa

Anaimira Mwana’nu,

Anachoka kumwamba

Kudzawombolatu anthu.

Iye ndiye mkatewo;

Wochoka kumwamba

Anapereka nsembe,

Kutipulumutsa.

M’chikhulupiro tidye

Mkate M’lungu watipatsa;

E, nthaŵi zonse tidye,

Kuti tikhale oyera.

3. Mbiri ya mkate uwu

Tisabisire anjala,

Pokhalatu ndi nthaŵi,

Tidyetse ‘tinkhosa’ tonse.

Thandizani enawo

Kupeza cho’nadi,

Kuti apulumuke,

Ndi kudalitsidwa.

Pa Mbuyo pa nkhondoyo

Yaikulu Armagedo,

Tidzaimba kosatha,

Zitamando za Mulungu.