Moyo Wa Ezekieli Komanso Mmene Zinthu Zinalili M’nthawi Yake

Dzina lakuti Ezekieli limatanthauza kuti “Mulungu Amapereka Mphamvu.” Ngakhale kuti m’maulosi ambiri amene Ezekieli ananena muli machenjezo ambiri, uthenga waukulu umene uli m’maulosiwa ndi wogwirizana ndi tanthauzo la dzina lakeli ndipo umalimbitsa chikhulupiriro cha anthu amene akufuna kulambira Mulungu m’njira yoyenera.

ANENERI AMENE ANALIPO M’NTHAWI YA EZEKIELI

• 

  YEREMIYA,

  ankachokera m’banja la ansembe, anatumikira kwambiri ku Yerusalemu (647-580 B.C.E.)

• 

  HULIDA

  anatumikira pa nthawi imene buku la Chilamulo linapezeka m’kachisi cha m’ma 642 B.C.E.

• 

  DANIELI,

  anali wa m’banja lachifumu la fuko la Yuda ndipo anatengedwa kupita ku Babulo mu 617 B.C.E.

• 

  HABAKUKU

  zikuoneka kuti ankatumikira ku Yuda kumayambiriro kwa ulamuliro wa Yehoyakimu

• 

  OBADIYA

  analosera zokhudza Edomu ndipo n’kutheka kuti anachita zimenezi pa nthawi imene Yerusalemu anawonongedwa

KODI ANALOSERA PA NTHAWI ITI? (MADETI ONSE NDI A MU B.C.E.)

ZINTHU ZIKULUZIKULU ZIMENE ZINACHITIKA M’NTHAWI YA EZEKIELI (MADETI ONSE NDI A MU B.C.E.)

1. cha m’ma 643: Kubadwa

2. 617: Kutengedwa kupita ku ukapolo ku Babulo

3. 613: Anayamba kulosera; anaona masomphenya a Yehova

4. 612: Anaona masomphenya ampatuko umene unkachitika pakachisi

5. 611: Anayamba kupereka uthenga wachiweruzo kwa Yerusalemu

6. 609: Mkazi wake anamwalira ndipo mzinda wa Yerusalemu unayamba kuzunguliridwa komaliza

7. 607: Analandira uthenga wotsimikizira kuti Yerusalemu wawonongedwa

8. 593: Anaona masomphenya a kachisi

9. 591: Analosera kuti Nebukadinezara adzaukira dziko la Iguputo; anamaliza kulemba

MAFUMU A YUDA NDI BABULO

1. 659-629: Yosiya ankalimbikitsa kulambira koyera koma anakafera kunkhondo pomenyana ndi Farao Neko

2. 628: Yehoahazi anali mfumu yoipa ndipo analamulira kwa miyezi itatu kenako anatengedwa ndi Farao Neko

3. 628-618: Yehoyakimu anali mfumu yoipa ndipo ankalamulira moyang’aniridwa ndi Farao Neko

4. 625: Nebukadinezara anagonjetsa asilikali a ku Iguputo

5. 620: Nebukadinezara anagonjetsa Yuda kwa nthawi yoyamba ndipo anachititsa kuti Yehoyakimu, amene ankalamulira ali ku Yerusalemu, akhale pansi pa ufumu wake

6. 618: Yehoyakimu anagalukira Nebukadinezara koma zikuoneka kuti anamwalira pa ulendo wachiwiri pamene Ababulo analowa m’Dziko Lolonjezedwa

7. 617: Yehoyakini amene ankadziwikanso kuti Yekoniya, anali mfumu yoipa ndipo analamulira kwa miyezi itatu kenako anadzipereka m’manja mwa Nebukadinezara

8. 617-607: Zedekiya amene anali mfumu yoipa kwambiri komanso yamantha, anakhala pansi pa ulamuliro wa Nebukadinezara

9. 609: Zedekiya anagalukira Nebukadinezara amene pambuyo pake anagonjetsa Yuda kachitatu

10. 607: Nebukadinezara anawononga Yerusalemu, anagwira Zedekiya n’kumuchititsa khungu kenako anapita naye ku Babulo