MOYO WATHU WACHIKHRISTU

Dziko “Linameza Mtsinje”

Kuyambira kale, olamulira a dziko akhala akuthandiza anthu a Yehova. (Ezara 6:1-12; Esitere 8:10-13) Ngakhale masiku ano “dziko,” lomwe likuimira anthu a maganizo oyenera omwe ali ndi mphamvu m’dzikoli, limameza “mtsinje” wamavuto amene “njoka,” yomwe ndi Satana Mdyerekezi, amabweretsera atumiki a Yehova. (Chiv. 12:16) Yehova, yemwe ndi “Mulungu amene amatipulumutsa,” amatha kugwiritsa ntchito olamulira a dzikoli kuti athandize anthu ake.—Sal. 68:20; Miy. 21:1.

Nanga bwanji ngati munamangidwa chifukwa cha zimene mumakhulupirira? Musakayikire kuti Yehova akuona zimene zikukuchitikirani. (Gen. 39:21-23; Sal. 105:17-20) Musamakayikirenso kuti Yehova adzakudalitsani kwambiri komanso musamaiwale kuti kukhulupirika kwanu kumalimbikitsa abale ndi alongo padziko lonse.—Afil. 1:12-14; Chiv. 2:10.

ONERANI VIDIYO YAKUTI ABALE A KU KOREA ATULUTSIDWA M’NDENDE, KENAKO YANKHANI MAFUNSO OTSATIRAWA:

N’chifukwa chiyani abale ambiri a ku South Korea ankamangidwa?
Kodi khoti linagamula zotani kuti abale athu atulutsidwe m’ndende?
Kodi tingathandize bwanji abale athu padziko lonse omwe ali m’ndende chifukwa cha chikhulupiriro chawo?
Kodi tiyenera kugwiritsa ntchito bwanji ufulu umene tili nawo panopa?
Kodi ndi ndani amene amatithandiza kuti tipambane milandu yosiyanasiyana?

Ndende ya ku Korea yomwe munali a Mboni za Yehova; makalata amene a Mboni za Yehova anatumiza ku ofesi ya nthambi ya ku Korea omwe kenako anatumizidwa kwa abale amene anali m’ndende; bambo wakumbatirana ndi mwana wake yemwe watulutsidwa m’ndende — Kodi ndimagwiritsa ntchito bwanji ufulu umene ndili nawo panopa?