Tisamaiwale Kupempherera Akhristu Amene Akuzunzidwa

Baibulo linaneneratu kuti Satana adzatizunza n’cholinga choti asokoneze utumiki wathu. (Yoh. 15:20; Chiv. 12:17) Kodi tingathandize bwanji Akhristu anzathu amene akuzunzidwa m’mayiko ena? Tikhoza kumawapempherera. Paja “pembedzero la munthu wolungama limagwira ntchito mwamphamvu kwambiri.”—Yak. 5:16.

Kodi tinganene chiyani m’mapemphero athu? Tikhoza kupempha Yehova kuti athandize abale ndi alongo athu kuti akhale olimba mtima. (Yes. 41:10-13) Tikhozanso kupemphera kuti akuluakulu a boma asachite chilichonse chosokoneza ntchito yathu yolalikira n’cholinga choti “tikhale ndi moyo wabata ndi wamtendere.”—1 Tim. 2:1, 2.

Pa nthawi imene Paulo ndi Petulo ankazunzidwa, Akhristu anzawo ankawatchula mayina powapempherera. (Mac. 12:5; Aroma 15:30, 31) Ngakhale kuti sitikudziwa mayina a anthu onse amene akuzunzidwa, tikhoza kutchula mpingo wawo, dziko lawo kapena dera lawo powapempherera.

Lembani madera amene kuli Akhristu amene akuzunzidwa omwe mukufuna kumawapempherera