Nyimbo 64

Chikhulupiliro Chonga Chija cha Abrahamu

(Genesis 22:1-18)

1. Ngwodala wozindikira

Mawu a Mulungu;

Poti Mulungu adziŵa

Poyamba mapeto.

Kutitonthoza ifeyo,

Mwa anthu akale

Anachita maulosi,

Omveka tsopano.

2. Tawonani Abrahamu,

Ndi Isake naye,

Ali m’Phiri la Moriya;

Ali kuyesedwa.

Yehova anamupempha

Kupatsa mwana’ke

Kuti chifuno cha M’lungu

Chikwaniritsidwe.

3. Abrahamu anatero,

Nakhala chitsanzo

Kuti M’lungu adzatuma

Dipo Mwana wake.

Kodi mukufuna moyo?

Khalani womvera,

Khalani wokhulupira

Monga Abrahamu.