“Khalani Oleza Mtima”

1. Yehova M’lungu wathu,

Dzina lake ndi loyera.

Amafunitsitsatu

Kuliyeretsa dzinali.

Wakhala wopirira

Kwa nthawi yaitali.

Amalezanso mtima

Ndipo samatopa.

Cholinga chake n’choti

Anthu adzapulumuke.

Adzapitirizabe

Kukhala oleza mtima.

2. Tikamaleza mtima

Timamvera M’lungu wathu.

Ndi khalidwe labwino,

Timatha kupewa mkwiyo,

Timaona zabwino

Mwa ena nthawi zonse,

Limatithandizanso

Tikamavutika.

Makhalidwe amene

Timapatsidwa ndi mzimu

Amatithandizadi

Kutsanzira M’lungu wathu.