Akhristu Oona Amadziwika Chifukwa cha Chikondi​—Musamakhale ndi Mtima Wofuna Kuchita Zofuna Zanu Zokha Komanso Musamakwiye

KODI ZIMENEZI N’ZOFUNIKA BWANJI? Yesu anaphunzitsa kuti ophunzira ake adzadziwika chifukwa cha chikondi. (Yoh. 13:34, 35) Kuti tisonyeze chikondi ngati mmene Yesu ankachitira, tiziganizira zofuna za ena ndipo tizipewa kukwiya.​—1 Akor. 13:5.

KODI TINGACHITE BWANJI ZIMENEZI?

• Wina akanena kapena kuchita zinthu zomwe zakukhumudwitsani, muziima kaye n’kuganizira chimene chachititsa komanso zimene zingachitike ngati mutapanda kuugwira mtima.​—Miy. 19:11.

• Tizikumbukira kuti tonse ndife ochimwa, ndipo nthawi zina timachita kapena kulankhula zinthu zimene pambuyo pake timanong’oneza nazo bondo

• Tizithetsa kusamvana mwamsanga

ONERANI VIDIYO YAKUTI ‘MUZIKONDANA’​—MUSAMAKHALE NDI MTIMA WOFUNA KUCHITA ZOFUNA ZANU ZOKHA KOMANSO MUSAMAKWIYE, KENAKO YANKHANI MAFUNSO OTSATIRAWA:

• Kodi a Larry anatani a Tom atawauza kuti atsalire pambuyo pa misonkhano?

• Kodi kudikira kaye asanayankhe kunawathandiza bwanji a Tom kuti augwire mtima?

• Kodi zimene a Tom anachita poyankha mofatsa zinathandiza bwanji kuti zinthu zisafike poipa kwambiri?