Nyimbo 15
Zolengedwa Zimasonyeza Ulemerero wa Yehova
(Salmo 19)
1. Yehova inetu ndimadziwa
Zamlengalenga ndi zodabwitsa.
Zimalemekeza dzina lanu
Ngakhale sizitulutsa mawu.
Zimalemekeza dzina lanu
Ngakhale sizitulutsa mawu.
2. Munalenga nyenyezi ndi dzuwa,
Munaika malire a nyanja.
Munalenga zinthu zodabwitsa
Komabe mumatiganizira.
Munalenga zinthu zodabwitsa
Komabe mumatiganizira.
3. Malamulo anu ndi oyera
Ndipo moyo amabwezeretsa.
N’ngofunika kuposa golide,
Tiwasungedi tiwatsatire.
N’ngofunika kuposa golide,
Tiwasungedi tiwatsatire.
(Onaninso Sal. 12:6; 89:7; 144:3; Aroma 1:20.)